S4C
Dewisiadau

Cynnwys

Croquetas Caws Pob gyda Siytni Llugaeron

Croquetas Caws Pob gyda Siytni Llugaeron

Cynhwysion

  • 60g Menyn heb ei halltu
  • 60g Blawd
  • 300ml Llaeth cynnes
  • 150ml Cwrw
  • Halen a phupur
  • 1 Llwy fwrdd o Fwstard Dijon
  • 1-2 Llwy fwrdd o Saws Worcestershire
  • 1 Melyn wy
  • 150g Caws Cheddar Cryf
  • 2 Llwy fwrdd o Gennin Syfi ffres
  • 2 Wy
  • 150g Briwsion bara Panko
  • 25g Caws parmesan
  • 1 Litr o olew

Cynhwysion y Siytni

  • 450g Llugaeron - ffres neu wedi rhewi
  • 1 Winwnsyn coch
  • 350g Siwgr brown
  • 425ml o Finegr seidr
  • 1 Llwy de o halen
  • 30g Sinsir ffres wedi gratio
  • 75g Syltanas
  • 2 Brigyn Sinamon
  • ½ Llwy fwrdd o glofs
  • Sudd a chroen 1 lemwn
  • Sudd a chroen 1 oren

Dull

  1. Ar gyfer y siytni, rhowch yr holl gynhwysion mewn sosban fawr a dewch at bwynt berwi cyn troi'r gwres i lawr.
  2. Gadewch i fudferwi am 45-55 munud neu nes bod y siytni wedi tewhau a'r ffrwythau wedi meddalu.
  3. Arllwyswch i mewn i jariau neu gadewch i oeri i'w weini gyda'r croquetas.
  4. Mae'n hyfryd gyda chig oer a chaws.
  5. Ar gyfer y croquetas, toddwch fenyn mewn sosban dros wres canolig cyn ychwanegu'r blawd i ffurfio past trwchus.
  6. Ychwanegwch y cwrw a'r llaeth yn araf.
  7. Ychwanegwch y mwstard i mewn i'r gymysgedd gyda'r saws Worcestershire, caws cheddar, melyn wy a'r cennin syfi.
  8. Blaswch cyn ychwanegu halen a phupur os oes angen.
  9. Arllwyswch i mewn i fowlen a'i orchuddio gyda cling film.
  10. Gadewch i oeri.
  11. Curwch yr wyau.
  12. Mewn powlen arall, rhowch y briwsion bara a'r parmesan wedi gratio.
  13. I siapio'r croquetas, gorchuddiwch eich dwylo gyda blawd a rhowch faint llwy fwrdd gorlawn o'r gymysgedd yn eich dwylo.
  14. Rholiwch i siâp silindr.
  15. Trochwch yn yr wy wedi curo a'r briwsion bara.
  16. Twymwch yr olew i 180C a ffriwch y croquetas yn sypiau.
  17. Draeniwch unrhyw olew sy'n weddill.
  18. I'w gweini yn gynnes gyda'r siytni llugaeron.
Methu dod o hyd i'r hyn oeddech chi'n chwilio amdano?