Ffrindiau am Byth
Aeth camerau Ffrindiau Am Byth i gartrefi rhai o sêr y gyfres i’w ffilmio nhw’n gwylio’u hunain ar y teledu.
Sut fyddan nhw’n ymateb?
Mae camerau Ffrindiau Am Byth wedi dilyn criw o blant o flwyddyn 6 dwy ysgol yn ystod eu misoedd olaf yn yr ysgol gynradd ac wrth iddyn nhw gamu i'r ysgol uwchradd.
Mae diwedd tymor yn Ysgol Gynradd Cwmllynfell ac Ysgol Gynradd Pontardawe yn llawn cyffro. Mae yna ddigon o ddathlu a lot o bartis a hefyd y trip ysgol ola' ac ymarferion sioe bwysica'r tymor sef y sioe ffarwel!
Yna ar ddechrau tymor newydd yn Ysgol Gyfun Ystalyfera mae'r camerau yn dilyn y disgyblion wrth iddyn nhw ddod yn gyfarwydd gyda bywyd yn yr ysgol uwchradd.