Cyhoeddwyd: Dydd Gwener, 21 Chwefror 2014
Dyddiad cau ar gyfer ymholiadau: 12.00 canol dydd, Dydd Mawrth 4 Mawrth 2014
Dyddiad cau ar gyfer ceisiadau: 12.00 canol dydd, Dydd Gwener 7 Mawrth 2014
Cwestiwn 1
A oes gennych gynllun i ddangos cynllun yr adeilad dros dro (opsiwn A a / neu B) neu i roi syniad, y cynllun o ddigwyddiad llynedd (os yn berthnasol)?
Ateb 1
Cyfrifoldeb y cwmni llwyddiannus yw gweithio gyda'r tîm digwyddiadau i gytuno ar gynllun terfynol. Y llynedd, roedd blaen yr adeilad yn gorwedd llorweddol gyda phatio o'u blaen. Mae theatr fertigol wedi lleoli tu ôl i ochr S4C yr adeilad. Tu ôl i'r llwyfan mae'r ystafelloedd eraill sydd wedi nodi (swyddfa, ystafell coluro, ystafell werdd ac ati). O fewn S4C ym mlaen y tŷ yw'r maes lletygarwch gyda balconi allanol.
Cwestiwn 2
Oes gennych chi unrhyw luniau o adeilad dros dro llynedd i roi syniad o'r strwythur mewnol?
Ateb 2
Mae lluniau o strwythur llynedd ar gael isod er gwybodaeth.
Cwestiwn 3
Beth yw'r amodau ddaear ar gyfer yr adeilad dros dro (concrit / glaswellt), ac a yw'n lefel?
Ateb 3
Yn y gorffennol roedd safle eleni yn safle diwydiannol ac mae bellach yn cael ei ddefnyddio fel safle ŵyl. Bydd disgwyl i'r cwmni llwyddiannus i archwilio union leoliad ein hadeilad dros dro a sicrhau bod y strwythur yn lefel. Mae 'na glaswellt ar y safle.
Cwestiwn 4
Mae'r tendr yn sôn am 500 metr sgwâr. Ydych chi'n chwilio am setup modiwlaidd neu gabanau jackleg?
Ateb 4
Mae'r tendr yn agored i ddehongliad a dylai cwmnïau awgrymu strwythurau sydd yn eu barn nhw fwyaf addas gan hefyd apelio'n weledol er mwyn ddenu ymwelwyr.
Cwestiwn 5
Mewn blynyddoedd blaenorol oedd yr ardal arlwyo mewn strwythur ar wahân?
Ateb 5
Na, roedd waliau mewnol yn cael eu codi i greu cegin ac ardal lletygarwch.
Cwestiwn 6
Oes modd nodi mesuriadau a'r math o orffeniad sydd ei angen arnoch ar gyfer y patio o flaen y brif fynedfa ac wrth ochr yr ardal lletygarwch corfforaethol os gwelwch yn dda? Gan fod gennym nifer fawr o bobl yn cerdded mewn a mas o'r adeilad a photensial o dywydd gwlyb mae angen i'r patio i fod yn ddi-lithr. Mae ein cyflwynwyr hefyd yn perfformio ar y patio (gan gynnwys dawnsio gan ein cyflwynwyr plant).
Ateb 6
Llynedd roedd y patio yn rhedeg ar hyd adeilad S4C yn cynnwys ramp, grisiau, canllaw a llwyfan wedi codi 7.5m x 2.5m x 0.2m. Roedd patio yn rhedeg hyd adeilad ein partner gyda llwyfan wedi codi 5m x 2.5 x 0.2, ramp, grisiau a chanllaw. Dylai'r patio lletygarwch fod oddeutu 8m x 3m.
Cwestiwn 7
Ydych chi'n gofyn i ni osod unrhyw oleuadau o fewn y strwythur?
Ateb 7
Na mae cwmni ar wahân yn gyfrifol am yr offer clyweled (A/V).
Cwestiwn 8
Mae'r llun o'r ardal theatr yn dangos monitor a seinydd, taflunydd ayb, oes modd cadarnhau os yw hyn yn ofynnol yn y dyfyniad? A allwch chi hefyd os gwelwch yn dda roi ychydig o eglurhad ar faint y llwyfan, y math o sgrin a'r hyn yr ydych ei gwneud yn ofynnol o fewn y bwth clyweled (A/V)?
Ateb 8
Mae'r tendr ar gyfer strwythur yr adeilad ac nid offer clyweled. Dylai'r theatr gynnwys llwyfan 6m x 6m sy'n 0.2m o uchder, adenydd, a waliau cefn gwyn er mwyn i ni taflunio deunydd ffilm. Dim ond waliau mewnol sydd angen i greu'r bwth clyweled.
Cwestiwn 9
Sylwaf fod eich paneli fflat ar gael i'w defnyddio, tybed os ydy rhain wedi cael eu defnyddio i is-rannu ardaloedd yn y gorffennol ac fel y cyfryw yn cael eu hystyried yn ddigonol o ran atal sain?
Ateb 9
Mae'r paneli fflat wedi cael eu defnyddio i addurno wal fewnol y strwythur ac i greu waliau mewnol.
Cwestiwn 10
Oes modd cadarnhau os oes angen unrhyw elfen o wrthsain neu gyfyngu rhwng y gwahanol ardaloedd?
Ateb 10
Yr unig ardal lle byddai elfen o wrthsain yn fuddiol yw rhwng y theatr a blaen tŷ.
Cwestiwn 11
Ai £59K yw cyfanswm y gyllideb?
Ateb 11
£59K yw cyfanswm y gyllideb i'r elfennau a nodir yn y tendr yn 2014.
