Bu'r siom na allai'r Eisteddfod Genedlaethol ymweld â Thregaron eleni i'w deimlo trwy Gymru gyfan. Mae S4C yn falch felly o gynnig amserlen gyffrous llawn adloniant amrywiol, o lenyddiaeth i gerddoriaeth byw, i lenwi'r bwlch yn ein bywydau.
Tudur Owen sy'n hel atgofion, rhannu ambell i stori a phori trwy'r archif ar rai o'r cymeriadau lliwgar sydd i'w gweld yn yr Eisteddfod Genedlaethol.
Trystan Llŷr Griffiths sydd yn ein diddanu gyda'i berfformiadau o rai o ddarnau cerddorol mwyaf eiconig ei fywyd. Mi fydd yn rhannu rhai o'r straeon tu ôl i bob un darn wrth deithio o gwmpas amryw o leoliadau yn ei fro.
