Y Drenewydd 2–1 Valletta

Y Drenewydd v Valletta

2 Gorffennaf 2015

Gyda phob tocyn wedi’i werthu a thorf o 1,420 gefnogwyr disgwylgar ar Barc Latham, fe reolodd y Drenewydd y munudau agoriadol yn llwyr, gyda Tom Goodwin a Luke Boundford yn gwastraffu cyfleon da yn y deg munud agoriadol.

Ceisiodd Valletta frwydro eu ffordd yn ôl i mewn i’r gêm gyda steil gorfforol o chwarae, ond arweniodd eu taclo caled at y gôl agoriadol, bum munud cyn yr egwyl. Ildiodd capten y tîm o Malta, Ian Azzopardi, gic rydd am dacl wyllt ar Boundford mewn safle peryglus.

O’r gic rydd ddilynodd, chwipiodd Matty Owen y bêl i mewn i’r cwrt a pheniodd Boundford i’r gornel uchaf i roi’r Drenewydd ar y blaen. Honno oedd dim ond ail gôl y Drenewydd yn Ewrop, bron i ddau ddegawd ar ôl yr un ddiwethaf gan Romilly Brown yn erbyn Skonto Riga yn 1996.

Cafodd y Robinaid gyfleon yn munudau cynnar yr ail hanner, yn cynnwys smonach ryfeddol yn y cwrt pan fethodd y tîm cartref â sgorio o bron i hanner dwsin cynnig ar y gôl.

A cosbwyd tîm Chris Hughes wedi 73 munud pan beniodd yr eilydd o Frasil, Jhonnattann, i gefn y rhwyd i sgorio gôl oddi cartref werthfawr i’r tîm o Malta.

Anfonwyd capten yr ymwelwyr, Azzopardi, o’r maes gyda phum munud yn weddill a manteisiodd y tîm cartref i’r eithaf pan rwydodd Jason Oswell yn y cwrt bach yn y funud olaf.

Roedd hi’n fuddugoliaeth haeddiannol i Chris Hughes a’i dîm, fydd â gobaith gwirioneddol o arwain ei dîm i’r ail rownd wedi’r cymal oddi cartref yr wythnos nesaf yn Malta.


Y Drenewydd: 1. Dave Jones, 3. Steffan Edwards, 4. Matty Owen (18. Sean Evans 78′), 5. Kieran Mills-Evans, 6. Shane Sutton (c) (16. Gavin Cadwallader 90′), 7. Matthew Hearsey, 9. Luke Boundford, 10. Jason Oswell, 11. Neil Mitchell (15. Jamie Price 69′), 19. Craig Williams, 20. Tom Goodwin

Eilyddion eraill: 8. Matthew Cook, 13. Jack Perry, 14. Gareth Partridge, 24. Craig Harris

Goliau: Luke Boundford 40′ Jason Oswell 90′

Cardiau Melyn: Mitchell 46′ Williams 61′ Goodwin 36′ Price 90+5′

Valletta: 28. Nicky Vella, 3. Ian Azzopardi (c), 5. Ryan Camilleri, 6. Dyson Falzon, 8. Calistus Uchenna (14. Jhonnattann 60′), 11. Luke Montebello (17. Jean Pierre Mifsud 54′), 13. Claudio Pani, 15. Juan Cruz Gill, 29. Maxim Focsa, 30. Karim Nafti (20. Daniel Camilleri 87′), 21. Llewelyn Cremona

Eilyddion eraill: 9. Thierry Fidue, 23. Nicholas Pulis, 34. Demetrio Marino, 16. Dario Tabone

Gôl: Jhonnattann 73′

Cardiau Melyn: Juan Cruz Gill 76′ Llewelyn Cremona 33′

Cardiau coch: Ian Azzopardi 85′

Torf: 1,420

Dyfarnwr: Vladimir Vnuk (Slofacia)