Mae S4C wedi ymrwymo i gyfrannu at wella amrywiaeth a chynhwysiant y sector darlledu yng Nghymru.
Mae hyn yn cynnwys gwaith sy'n fewnol i S4C yn ogystal ag ymwneud â chwmnïau cynhyrchu a phartneriaid eraill wrth gomisiynu a datblygu cynnwys, a chefnogi talent newydd. Ar y tudalennau isod cewch ddarllen mwy am gynlluniau a pholisïau S4C, am ein partneriaid, ac am ein cynnwys.
Os hoffech gysylltu gallwch wneud ar amrywiaeth@s4c.cymru neu drwy gysylltu â Gwifren Gwylwyr S4C.
Polisïau a Strategaethau Amrywiaeth
Darllenwch am gynlluniau S4C ar gyfer amrywiaeth a chynhwysiant.
Pobl a Phartneriaid
Darllenwch am brosiectau mewnol, cydweithrediadau gyda phartneriaid allweddol, a'r gynulleidfa.
Comisiynu a Chynnwys
Darllenwch am sut mae S4C yn sicrhau bod amrywiaeth a chynhwysiant wrth galon ein comisiynu.
Cynllun Cyfweliad Gwarantedig
Rydyn ni wedi ymrwymo i greu gweithlu mwy amrywiol a chynhwysol. Rydyn ni'n cynnig cyfweliad gwarantedig i ymgeiswyr anabl a/neu ymgeiswyr o gymunedau'r Mwyafrif Byd-eang sy'n bodloni meini prawf hanfodol y swydd.
Rydym yn cydnabod bod unigolion talentog yn gallu wynebu rhwystrau wrth geisio cael mynediad at gyfleoedd yn y diwydiannau darlledu a chreadigol, ac o ganlyniad nad ydynt yn cael eu cynrychioli’n ddigonol yn ein gweithlu. Drwy’r cynllun hwn, ein nod yw helpu i gael gwared ar rai o’r rhwystrau hynny a sicrhau bod ein prosesau recriwtio yn deg, yn hygyrch ac yn gynhwysol.
Bydd ymgeiswyr sy’n nodi eu bod o gefndir y Mwyafrif Byd-eang a/neu eu bod yn anabl, ac sy’n bodloni’r meini prawf hanfodol ar gyfer y swydd, yn cael cynnig cyfweliad gwarantedig.
Er mwyn cael eich ystyried o dan y cynllun hwn, y cyfan sydd angen i chi ei wneud yw ticio’r blwch perthnasol ar y ffurflen gais.
Bydd pob ymgeisydd yn cael ei asesu yn erbyn yr un meini prawf yn ystod y broses gyfweld a dethol, a bydd penodiadau’n cael eu gwneud ar sail teilyngdod.