• 400g lentils coch
• 1 llwy fwrdd o turmeric
• 30g menyn heb halen (mae'n bosib swapio am fenyn fegan os nad ydych am ddefnyddio llaeth)
• 1 llwy fwrdd o hadau cumin
• 1 llwy fwrdd o hadau mwstard du
• 1 nionyn bach
• 3-4 ewin garlleg
• 1-2 chillis gwyrdd ffres
• 1 ½ llwy de o garam masala
• ½ llwy de o goriander
• tamaid bach o sinsir ffres wedi gratio
• 3 tomato
• coriander ffres

1. Rhowch 400g o lentils coch mewn sosban a'i gorchuddio gyda digon o ddŵr oer sy'n cyrraedd 2 fodfedd uwch eu pennau.
2. Dewch a nhw i bwynt berwi cyn eu mudferwi. Cymysgwch 1 llwy fwrdd o turmeric a 30g o fenyn i mewn.
3. Gorchuddiwch a choginiwch gan droi'r cymysgedd bob hyn a hyn (20 munud)
4. Mewn padell ffrio fach, ffriwch 1 llwy fwrdd o cumin a 1 llwy fwrdd o hadau mwstard yn sych dros wres canolig. Tynnwch o'r badell a'u gadael ar un ochr.
5. Toddwch weddill y menyn (10g) mewn padell ffrio arall a rhostiwch 3-4 ewin garlleg, 1 nionyn, 1-2 chilli gwyrdd ffres, tamaid o sinsir ffres a 3 tomato.
6. Pan mae'r llysiau yn feddal, ychwanegwch yr hadau wedi tostio gyda 1 ½ llwy de o garam masala a ½ llwy de o goriander wedi ei falu'n fân. Tynnwch oddi ar y gwres.
7. Unwaith mae'r lentils wedi coginio am 20 munud, rhowch droad da iddyn nhw – rydych chi'n chwilio am gymysgedd trwchus. Gallwch ychwanegu mwy o ddŵr os oes angen.
8. Ychwanegwch y llysiau wedi ffrio a'r sbeis, cymysgwch popeth ac ychwanegwch halen os oes angen.
9. Gallwch weini'r cyri gydag ychydig o goriander ar ei ben. Mae'n lyfli gyda reis ac ychydig o chapatis.

Rysáit wedi ymddangos yn wreiddiol fel rhan o raglen Parti Bwyd Beca.

Rysáit gan Beca Lyne-Pirkis.