• 1 tun o ffa du
• 110g madarch castan
• 100g reis brown wedi coginio
• ½ winwnsyn coch wedi gratio
• 1 ewin garlleg wedi gratio
• 25g madarch porcini wedi socian
• 1 llwy fwrdd o sesnad stec
• 25g briwsion bara
• bwnsied bach o bersli
• halen
• olew rapeseed

• focaccia
• letys
• ½ winwnsyn coch wedi'i sleisio yn gylchoedd
• saws pupur coch wedi'i rostio
• 1-2 afocado
• 1 leim

1. Coginiwch y reis mewn dŵr hallt am 20 munud.
2. Draeniwch a gadewch i oeri o dan dap dŵr oer.
3. Gadewch y madarch porcini i socian nes yn feddal - tua 20 munud.
4. Gwasgwch y dŵr sy'n weddill allan o'r madarch a'u torri'n fras.
5. Rhowch y madarch castan mewn prosesydd bwyd gyda'r winwnsyn, garlleg a'r madarch porcini.
6. Blitsiwch nes bod popeth wedi'u malu'n fan.
7. Ffrïwch y gymysgedd mewn ychydig o olew gyda halen am 5-8 munud. Gadewch i oeri.
8. Rhowch y ffa du, y briwsion bara, y sesnad stêc, y persli, y reis a'r gymysgedd madarch a winwns wedi coginio mewn prosesydd bwyd nes bod popeth wedi cyfuno yn dda.
9. Ychwanegwch fwy o sesnad os dymunwch cyn ei rannu yn 6 darn.
10. Siapiwch i ffurfio byrgyrs a'u gosod ar blât wedi'i iro a'u gorchuddio gyda cling film.
11. Rhowch yn yr oergell am 30 munud.
12. Coginiwch y byrgyrs mewn padell ffrio gydag olew rapeseed dros wres canolig.
13. Trowch i ddatblygu lliw cyfartal.
14. I'w gweini yn boeth mewn focaccia gyda'r saws pupur coch wedi rhostio, letys, winwnsyn coch ac afocado.

Rysáit wedi ymddangos yn wreiddiol fel rhan o raglen Parti Bwyd Beca.

Rysáit gan Beca Lyne-Pirkis.