• 2 aubergine
• 2 llwy fwrdd o olew rapeseed
• 1 winwnsyn
• 1 moron
• 1 pupur gwyrdd
• 3-4 ewyn garlleg
• 1 tun o ffa du
• 1 tun o domatos
• 2-3 llwy fwrdd o buree tomato
• 55g o ffacbys coch
• 20g madarch porcini sych
• 1 chilli ffres coch
• ½ - 1 llwy de o bowdwr chilli
• 2 llwy de o oregano sych
• 3 llwy de o cumin mâl
• 2-3 llwy de o paprika wedi'i fygu
• 2 llwy de o goriander mâl
• 1 darn o sinamon
• 1 neu 2 ddarn o siocled tywyll
• 600ml o sdoc llysiau neu ddŵr
• halen a phupur i sesno

• tacos meddal - 1 neu 2 i bob person
• letys wedi rhwygo
• caws cheddar wedi gratio
• hufen sur
• chilli ffres
• shibwns
• 1 afocado
• sudd leim

1. I gychwyn, llosgwch yr aubergines trwy ddefnyddio'ch hob nwy, neu rhowch o dan y gril.
2. Fe ddefnyddiais rac oeri dros yr hob a rhoi'r aubergines yn syth i mewn i'r fflam nes eu bod nhw wedi eu lliwio.
3. Gadewch i oeri.
4. Rhowch y madarch porcini sych mewn dŵr am tua 20 munud nes yn feddal.
5. Torrwch y winwns yn fras, y pupur a'r moron yn fach a'u gosod mewn sosban gyda'r olew rapeseed.
6. Gadewch i chwysu am 5-8 munud.
7. Fe allwch chi losgi'r pupur gwyrdd os dymunwch cyn eu hychwanegu at y winwnsyn a'r moron.
8. Nesaf, ychwanegwch y sbeisys i gyd heblaw am y chilli ffres gyda'r puree tomato a'u coginio am ychydig funudau.
9. Torrwch y garlleg a'r chilli a'u hychwanegu i'r sosban gyda'r ffacbys coch.
10. Trowch bopeth.
11. Torrwch y madarch porcini, a'u hychwanegu i'r sosban gyda'r dŵr a'r ffa du.
12. Rhowch y tomatos a'r siocled i mewn a throwch y gymysgedd cyn ei adael i fudferwi am 15 munud.
13. Torrwch yr aubergines yn ddarnau eithaf mawr, ac ychwanegwch y chilli.
14. Peidiwch a'i droi yn rhy galed, mae eisiau i'r aubergines aros yn ddarnau mawr.
15. Rhowch y chilli ar un o'r tacos gyda letys, afocado mal, sudd leim, halen, ychydig o hufen sur, caws wedi gratio, shibwns a'r chilli ffres.

Rysáit wedi ymddangos yn wreiddiol fel rhan o raglen Parti Bwyd Beca.

Rysáit gan Beca Lyne-Pirkis.