S4C
Dewisiadau

Cynnwys

Cegin S4C

  • Colleen Ramsey

    Colleen Ramsey

    calendar Dydd Mercher, 25 Ionawr 2023

  • Shashuka

    Cynhwysion
    (Digon i 1-2)

    • pecyn o feta
    • 1 llwy fwrdd o iogwrt
    • gwasgiad o fêl
    • llond llaw o sbinaets ifanc
    • halen a phupur
    • olew
    • puprod wedi'u rhostio mewn jar
    • 4 llwy fwrdd o passata
    • 1 llwy fwrdd o siwgr neu fêl
    • 1 llwy fwrdd o besto/past tomato heulsych
    • 2 wy
    • 2 lwy fwrdd o bersli wedi'u torri'n fân
    • 2 lwy fwrdd o sifys wedi'u torri'n fân

    Dull

    1. Cynheswch y gril i wres uchel. Cymysgwch hanner y feta mewn cymysgydd bwyd gyda'r iogwrt nes eu bod yn llyfn fel caws hufennog y mae modd ei daenu. Yna gwasgwch ychydig o fêl i'r gymysgedd. Taenwch y cyfan ar hyd gwaelod ffreipan fach gyda chaead.
    2. Tynnwch y coesau oddi ar y sbinaets a gadael iddo wywo mewn ffreipan sych. Tynnwch y ffreipan oddi ar y gwres a'i ychwanegu at y feta llyfn gydag ychydig o halen a phupur. Cynheswch ychydig o olew (olew tsili os y'ch chi'n hoffi sbeis) yn yr un ffreipan a ddefnyddiwyd i wywo'r sbinaets. Yna ychwanegwch y puprod wedi'u rhostio, wedi eu torri, y passata a llond llwy fwrdd o siwgr neu fêl.
    3. Ychwanegwch y pesto neu'r past tomato heulsych ac ychydig o halen. Arllwyswch y cyfan dros y sbinaets a'r feta. Gwnewch ddau dwll bach ar y gwaelod a thorri 2 wy i mewn iddyn nhw. Rhowch gaead ar y ffreipan i bobi yr wyau am 2 funud neu nes bod yr wyau wedi coginio fel ydych chi'n dymuno, yna tynnwch y ddysgl allan a briwsioni'r mymryn o gaws feta sy'n weddill dros ben y cyfan.
    4. Addurnwch gyda phersli a sifys, pupur du, ychydig o fêl ac olew neu ddarnau tsili, os y'ch chi moyn.
    5. Mwynhewch y shashuka gyda digonedd o dost crensiog.

    Rysaít gan Colleen Ramsey (Colleen Ramsey: Bywyd a Bwyd).

    Llyfr Colleen: Bywyd a Bwyd / Enjoying Life through Food (Y Lolfa)

    Instagram: @colleen_ramsey

    Twitter: @_C_Ramsey

      Rhannu’r rysáit
      close button

      Rhannu’r rysáit trwy:

      Copio’r ddolen

      copy icon
      Sut i goginio
      Copio
      Wedi’i gopio
    Methu dod o hyd i'r hyn oeddech chi'n chwilio amdano?