• 360g tatws
• 3 llwy de olew
• 240g corbenfras (hadog)
• 30g briwsion bara gwenith llawn
• bwnsh bach o bersli a dil
• croen hanner lemon
• 120g pys wedi rhewi
• 80g llysiau gwyrdd y gwanwyn
• naddion tsili
• halen a phupur

1. Cynheswch y popty ymlaen llaw i ffan 180c.
2. Glanhewch y tatws a'u torri yn sleisys, yna eu rhoi mewn bowlen ac arllwys 2 llwy de o olew drostynt gyda phinsiad o halen a phupur. Trowch y tatws yn yr olew a'r sesnin yna eu lledaenu ar dun pobi a'u pobi yn y popty am 20-25munud.
3. Tra bo'r tatws yn coginio, torrwch y perlysiau yn fan a'u cymysgu hefo'r briwsion bara, croen lemon a sesnin. Brwsiwch y pysgodyn hefo gweddill yr olew a gorchuddio'r pysgodyn hefo'r gymysgedd bara. Ychwanegwch y pysgodyn at y tatws ar ôl yr 20-25munud a choginio pob dim am 15-20munud arall.
4. Yn y cyfamser, golchwch y llysiau gwyrdd a'u torri'n fan. Coginiwch y pys a'r llysiau mewn dŵr berwedig hefo ychydig o halen am rhai munudau.
5. Gweinwch y pysgodyn a'r tatws hefo'r llysiau a phinsiad da o naddion chili a joch o sudd lemon.

Rysaít gan Beca Lyne-Pirkis ar gyfer FFIT Cymru.

Am fwy gan FFIT Cymru, ewch i ffit.cymru

Instagram Beca: @becalynepirkis

Instagram FFIT Cymru: @ffitcymru