• ½ llwy fwrdd olew – sesame / llysiau
• 150g 5% briwgig eidion
• 3 clof garlleg
• 15g o sinsir ffres
• 3 shibwns
• 80g mange tout
• 1 pupur gwyrdd
• 80g brocoli
• 1 llwy fwrdd saws soi halen isel
• 140g nwdls wy sych
• 1 chilli coch

1. Paratowch y llysiau i gyd cyn cychwyn coginio, oherwydd ni fydd y pryd bwyd yn cymryd yn hir.
2. Os oes gennych wok, grêt – os ddim yna fydd ffreipan fawr yn berffaith.
3. Torrwch y garlleg, sinsir a shibwns (ond cadwch 1 at wedyn), torrwch y pupur gwyrdd mewn i sleisys a'r brocoli mewn i florets bach.
4. Gadwch y mange tout fel y maent a thorrwch hanner y chilli yn fân (gan waredu'r hadau os nad ydych yn hoffi pethau sbeislyd, a chadw'r hanner arall tuag at wedyn).
5. Coginiwch y nwdls yn ôl cyfarwyddiadau'r paced.
6. Yn y wok neu'r ffreipan fawr, cynheswch yr olew dros wres canolog-uchel ac ychwanegwch y cig i frownio am ychydig funudau.
7. Nesaf ychwanegwch y garlleg, sinsir, shibwns, mange tout, pupur gwyrdd a'r brocoli a tro ffrio hefo'r cig eidion am ychydig funudau.
8. Ar ôl ychydig funudau, ychwanegwch y nwdls wedi eu draenio a chymysgwch drwyddo.
9. Yn olaf ychwanegwch y saws soi a chymysgu drwyddo.
10. Gweinwch yn syth, a rhannwch y pryd rhwng 2 blât.
11. Addurnwch hefo gweddill y sbigoglys a chili wedi eu torri.

Rysaít gan Beca Lyne-Pirkis ar gyfer FFIT Cymru.

Am fwy gan FFIT Cymru, ewch i ffit.cymru

Instagram Beca: @becalynepirkis

Instagram FFIT Cymru: @ffitcymru