Stêc Chimichurri
Cynhwysion
- 2 stêc sirloin trwchus
- 100g persli ffres
- ¼ pupur coch wedi ei dorri'n fân
- ewin bach o arlleg
- 2 tbsp finegr gwin coch
- 1 tbsp mêl
- 1 cwpan olew olewydd
- 50g oregano
- ½ sialot
- pupur cayenne
Dull
- Tynnwch y stêc allan o'r oergell i gyrraedd tymheredd yr ystafell am 30-40 munud. Rhowch olew ar ddwy ochr y stêcs.
- Cynheswch badell at dymheredd poeth yna seriwch y steciau am 1 munud ac yna trowch y tymheredd i lawr i ganolig a choginiwch am 2 funud.
- Trowch y steciau ac ychwanegu halen. Trowch y tymheredd i fyny a seriwch am 1 munud. Trowch y tymheredd i ganolig a choginiwch am 2 funud.
- Nawr rhowch lond llwy fwrdd o fenyn, gyda pherlysiau a garlleg os dymunwch, yna basiwch y stêc. Gadewch i orffwys ar blât cynnes neu mewn parsel ffoil am 5-6 munud.
- Os yw eich stêc yn deneuach, cwtogwch yr amser coginio.
- Ar gyfer y chimichurri torrwch y pupur, y persli, yr oregano a'r sialots, yn fân, minsiwch y garlleg. Nawr ychwanegwch olew a finegr nes ei fod yn saws a all ddisgyn oddi ar lwy. Ychwanegwch y cayenne a'r mêl i flasu.
- Gweinwch gyda rhywfaint o datws newydd neu beth bynnag y dymunwch.
Rysaít gan Colleen Ramsey (Colleen Ramsey: Bywyd a Bwyd).
Instagram: @colleen_ramsey