Cymorth
Iselder
Mae sawl gwahanol fath o iselder, ac mae yna raddfeydd o ba mor ddifrifol mae'r salwch clinigol yma'n gallu effeithio'ch bywyd.
Rhaid gwahaniaethu hefyd rhwng teimlo'n isel yr ysbryd weithiau - sy'n hollol naturiol - a chael cyfnod o iselder sydd ddim yn gwella, sy'n cael ei gyfri'n salwch. Cofiwch mai'ch doctor yw un o'r bobl gyntaf allwch weld os ydych chi'n dioddef cyfnod fel hyn.
YoungMinds
Gwybodaeth ddefnyddiol i'ch helpu gyda'ch bywyd emosiynol a'ch iechyd meddwl. Hefyd, help i geisio deall os yn rhiant neu'n ofalwr i berson ifanc.
CALM
Os ydych yn ddyn ifanc, gellir cael help a chyngor os ydych chi'n teimlo'n isel drwy fynd i wefan C.A.L.M. neu drwy gael gair dros y ffôn.
Sefydliad DPJ
Cwnsela a hyfforddiant i gefnogi iechyd meddwl ffermwyr a phobl sy'n gweithio mewn cymunedau gwledig.
0800 587 4262 neu tecstiwch 07860 048799
Meddwl.org
Gwefan cynhwysfawr yn y Gymraeg sy'n cynnig erthyglau, dolenni a adnoddau cefnogol i bobl sy'n byw gyda problemau iechyd meddwl.
Head Above The Waves
Sefydliad di-elw wedi'i leoli yng Nghymru sy'n codi ymwybyddiaeth o iselder a hunan-niwed ymhlith pobl ifanc. Maent yn cynnig gweithdai ac adnoddau, rhai yn ddwyieithog, yn ogystal â chyfeirio at ffynonellau cymorth.
Mind Cymru
Cyngor a chefnogaeth dwyieithog i unrhyw un sydd gyda problem iechyd meddwl, ond gyda gwybodaeth clir a da ar ystod o bynciau.
Adferiad
Mae Adferiad Recovery yn cyfuno sgiliau ac arbenigedd pedair elusen - Adferiad Recovery, CAIS, Hafal a WCADA - sydd wedi uno er mwyn darparu gwasanaethau i bobl yng Nghymru sydd â phroblemau iechyd meddwl, problemau camddefnyddio sylweddau, a'r rhai hynny sydd ag anghenion cymhleth sy'n cyd-ddigwydd. Maent hefyd yn cefnogi gwasanaeth yr Ystafell Fyw a Cynnal, gwasanaeth cwnsela cyfrinachol sydd ar gael ledled Cymru i holl aelodau’r Clerigiaeth, Gweinidogion yr Efengyl a’u teuluoedd.
Galw IECHYD Cymru
Mae Galw IECHYD Cymru yn llinell cymorth sy'n darparu gwybodaeth ar iechyd a gwasanaethau iechyd ar hyd a lled Cymru. Mae'r llinell wedi staffio gan nyrsys profiadol, 24 awr y diwrnod.
- 0845 4647 (24 awr y diwrnod)
- 111.wales.nhs.uk
Y Samariaid
Cefnogaeth emosiynol gyfrinachol dros y ffôn ar gael gan y Samariaid - unrhyw bryd, dydd neu nos. Mae hefyd gwasanaeth Gymraeg ar gael rhwng 7pm-11pm bob nos, drwy ffonio 0808 164 0123.116 123