S4C
Dewisiadau

Cynnwys

Y Wasg

Noson lwyddiannus i S4C yng ngwobrau RTS Cymru

12 Ebrill 2022

Llwyddodd S4C i gipio nifer o wobrau yn noson wobrwyo RTS Cymru dros y penwythnos.

Cyhoeddwyd yr enillwyr mewn noson arbennig yn Ngholeg Brenhinol Cerdd a Drama Cymru Caerdydd nos Wener 8 Ebrill.

Meddai Sian Doyle, Prif Weithredwr S4C:

"Llongyfarchiadau mawr i gwmnïau cynhyrchu Chwarel, Boom Cymru, Wildflame a Tinopolis ar eu llwyddiant yng ngwobrau RTS Cymru.

"Mae amrywiaeth y cynyrchiadau yn dangos ystod gwaith S4C a thalent y sector ac rwy'n falch iawn fod ein cyfresi safonol a rhai o'n timau cynhyrchu talentog yn cael cydnabyddiaeth am eu gwaith." Llwyddodd rhaglen ddogfen ysgytwol John Owen: Cadw Cyfrinach (Wildflame) i gyrraedd y brig yng nghategori Newyddion a Materion Cyfoes.

Yn ogystal cipiodd cynhyrchiad Yn y Garej: Philip Mills (Tinopolis) y wobr yn y categori Digidol.

Daeth Rachael Solomon (Boom Cymru) i'r brig hefyd yn y categori Torri Trwodd.

Llongyfarchiadau mawr hefyd i gwmni Chwarel am gipio'r wobr yn y categori Cyfnod Clo gyda The Great House Giveaway/ Tŷ am Ddim.

Dyma'r pedwerydd gwobr i gwmni Chwarel yn ddiweddar ar ôl cipio gwobr Broadcast Uk, BAFTA, RTS a nawr RTS Cymru hefyd.

Methu dod o hyd i'r hyn oeddech chi'n chwilio amdano?