17 Mai 2024
Bydd tymor newydd o Cwis Bob Dydd S4C yn dechrau ddydd Llun Mai 20fed.
15 Mai 2024
Mae un o swyddogion Heddlu Gogledd Cymru wedi sôn am un o'r ymosodiadau cŵn gwaethaf iddo weld yn ei yrfa, pan laddwyd 22 o ddefaid oedd yn cario wyn, ac anafwyd 48 arall.
Cafodd yr ymosodiad gan ddau gi XL Bully ar fferm ger Wrecsam ei ddal ar gamerâu cyrff y swyddogion wrth iddyn nhw ffilmio cyfres newydd Y Llinell Las ar gyfer S4C.
Yn ôl Iwan Owen, aelod o'r tîm Troseddau Cefn Gwlad sydd â dros 40 mlynedd o brofiad gyda'r Heddlu, mae ymosodiadau ar ddefaid yn digwydd yn wythnosol yng ngogledd Cymru.
Fe wnaeth y ffermwr golli gwerth tua £14,000 o anifeiliaid yn yr ymosodiad.
Bydd modd gweld pennod gyntaf cyfres newydd Y Llinell Las ar S4C am 21:00 ddydd Mawrth 14 Mai, ac hefyd ar S4C Clic a BBC iPlayer.
Gan fod gymaint o dirlun gogledd Cymru yn dir amaethyddol, mae gan yr Heddlu dîm yn benodol i ymchwilio i droseddau cefn gwlad.
Mae'r rhaglen yn dilyn yr uned wrth iddyn nhw ymateb i ddau ddigwyddiad o ymosodiadau cŵn XL Bully ar ddefaid.
Dywedodd Iwan:
"Mae'n siŵr bod y gang traffig yn cael llond bol o bobl sy'n yfed a gyrru. Wel, i ni, y poeni defaid sydd yn dod drosodd a drosodd."
"Be uffern ma rywun isho XL Bully? Dwim yn dalld pam bo chdi isio ci o'r ffasiwn beth mewn tŷ, mewn cartref. Meddylia pa mor gryf ydyn nhw, faint o niwed fysa nhw'n medru neud – mae'n beryg bywyd."
"Maen nhw [ffermwyr] yn hogia' calad – maen nhw 'di hen arfer efo cŵn a chael gafael ar gi, ond fysa chdi ddim yn cymryd gafael ar XL Bully. Does na ddim llawer o chance i chdi gerdded o 'na heb gael dy anafu yn ofnadwy."
Ond mae cŵn hefyd yn rhan hanfodol o waith yr heddlu.
Mae PC Siôn Parry yn swyddog gyda Heddlu Gogledd Cymru ers dros 15 mlynedd ac mae gweithio i'r Uned Gŵn yn uchelgais yn ei yrfa.
Dywedodd Siôn:
"Dwi bob tro yn cymharu ci i ddeg plisman. A mwy weithiau. Ma pobl isio cwffio efo plismyn, s'neb isio cwffio efo ci.
"Ti'n mynd at rywun a deud wrthyn nhw i adael a ma' 'na gi yn glafoerio ac yn cyfarth – ti'n gadael, dwyt, os ti'n gall."
Yn y bennod yma, rydym yn dilyn Siôn yn ymateb i ddigwyddiadau ble mae ci yn gallu bod yn ddefnyddiol - yn benodol mewn achos o ddwyn car ble mae'r troseddwyr yn rhedeg i ffwrdd o'r safle.
"Ma'n bleser ei gwatchad nhw'n gweithio...Ddim fi sy'n neud y gwaith – y ddau gi 'di'r petha' clyfar, jyst y chauffeur dwi!"
Yn ogystal â'r Tîm Troseddau Cefn Gwlad a'r Uned Gŵn, mae'r gyfres 6 pennod wedi cael mynediad at waith heriol yr Uned Traffig, yr Uned Gwrthdrawiadau a'r Swyddfa Reoli yn Llanelwy.
12 Mai 2024
Côr Ifor Bach yw enillwyr cystadleuaeth gorawl fawreddog S4C Côr Cymru 2024.
9 Mai 2024
Mae S4C wedi penodi Beth Angell yn Bennaeth Adloniant ac Adloniant Ffeithiol newydd.
6 Mai 2024
Mae S4C wedi cyhoeddi'r cytundebau cyntaf i gael eu cwblhau gan eu Cronfa Twf Masnachol a'u Cronfa Cynnwys Masnachol.
6 Mai 2024
Mae S4C wedi cyhoeddi'r cytundebau cyntaf i gael eu cwblhau gan eu Cronfa Twf Masnachol a'u Cronfa Cynnwys Masnachol.
2 Mail 2024
Bydd S4C yn darlledu fersiwn Gymraeg o'r gyfres deledu fyd-eang boblogaidd, The Voice. Mi fydd 'Y Llais' yn cael ei gynhyrchu gan Boom Cymru, rhan o ITV Studios, ac yn cael ei ddarlledu yn 2025.
17 Ebrill 2024
Mae camerâu S4C wedi dilyn y gomediwraig Kiri Pritchard-McLean, y cogydd Chris 'Flameblaster' Roberts a'r cyflwynydd Alun Williams ar daith fythgofiadwy o amgylch Seland Newydd.
30 Ebrill
Bydd gwylwyr yn gallu gwylio rhaglenni S4C ar Freely, gwasanaeth ffrydio newydd ar gyfer y DU.
