Mwynhewch raglenni S4C ar S4C Clic wrth gofrestru am ddim. Gallwch hefyd fwynhau bocs sets a chynnwys ecsgliwsif.
Dyma restr lawn o'r holl gynnwys S4C sydd ar gael yn rhyngwladol trwy S4C Clic.
Heb gofrestru eto? Beth am greu eich cyfrif am ddim nawr? Dim ond 2 funud fydd e'n cymryd ac mi fydd yn eich cofio chi y tro nesaf.
Oes gennych gwestiwn am raglen benodol? Cysylltwch â gwifren@s4c.cymru ac fe fyddwn yno i'ch helpu gydag unrhyw ymholiadau.
Am wybodaeth ynglŷn â pha ddyfeisiau sy'n galluogi chi i dderbyn S4C Clic, cliciwch yma.
Kristoffer Hughes sy'n teithio'r byd i ddod o hyd i'r ffyrdd mwyaf gwahanol, ac efallai gwell o ddelio â marwolaeth. Dyma daith bersonol i galon marwolaeth.
Mae mwy o raglenni S4C nag erioed o'r blaen ar gael i wylwyr ar draws y byd.
Os ydych chi'n dymuno derbyn gwybodaeth am gynnwys rhyngwladol S4C, gallwch danysgrifio i dderbyn e-bost achlysurol.
Os ydych chi'n hapus i dderbyn gwybodaeth gan S4C am ein cynnwys rhyngwladol, neu i ni ofyn eich barn am ein gwasanaethau, darparwch eich e-bost yn y blwch isod.
Rydym yn cydnabod bod angen cadw eich manylion personol yn ddiogel. Ni fyddwn yn anfon eich manylion at unrhyw un heb eich caniatâd ac mi fyddwn yn esbonio sut i ddad-danysgrifio bob tro y byddwn ni'n cysylltu â chi.
Cyfres goginio newydd gyda Colleen Ramsey. Mae bywyd a bwyd yn dod law yn llaw i Colleen. Yma bydd hi'n dangos ryseitiau i greu prydau ffansi yn y cartref. Y tro hwn, mae ei brawd Scott yn dod i'r gegin i helpu creu pryd i'w rhieni. Ryseitiau y gyfres ar s4c.cymru/cegin.
Mae Sain Ffagan yn datgelu mwy o'i thrysorau a'i straeon. Mae'r garddwyr yn dysgu sut i ddefnyddio'r planhigion maen nhw wedi'u tyfu i liwio gwlân. Cawn gip olwg tu fewn i un o adeiladau prysuraf yr Amgueddfa, y siop losin ac mae'r gwaith adeiladu ar du allan Gwesty'r Vulcan yn dod i ben.
Yn ôl yn y camperfan, mae'r actor John Pierce Jones a'r digrifwr Dilwyn Morgan yn cychwyn ar eu siwrnai ar draws Indiana ac Illinois, gan fyw bywyd ar y lôn i'r eithaf. Ar un o ddiwrnodau cynhesaf yr hâf yn America, maent yn hwylio o amgylch harbwr Chicago ar gatamaran er mwyn cael ychydig o awel; antur hollol newydd i'r ddau. I orffen y diwrnod maent yn cwrdd â chriw o Gymry alltud, Taffia Chicago mewn tafarn gan fwynhau cerddoriaeth gan gerddorion Cymreig - David Llewelyn a Rebecca Jade.
Yr anturiaethwr Richard Parks sy'n cychwyn ar daith newydd cyffrous, i archwilio'r dyddiau allweddol sydd wedi newid cwrs hanes Cymru. Yn syfrdanol ac ysbrydoledig, dyma'r diwrnodau a greodd nid yn unig ein gwlad ni heddiw, ond ein byd cyfan. Y tro 'ma, mae Richard yn olrhain y newid sy'n dod dim ond pan fyddwn yn codi ein lleisiau mewn protest. Dyma stori Cymru mewn ffurf heb ei gweld erioed o'r blaen. 'Mae adrodd ein stori ni yn ein hen iaith ni,' medde Richard, sy'n dysgu Cymraeg, 'yn sialens
Ymchwiliad i gwmni Consumer Energy Solutions o Abertawe. Clywn gan gwsmeriaid a chyn-weithwyr anhapus sy'n dweud bod y cwmni, sy'n derbyn grantiau eco Llywodraeth y DU, yn difetha cartrefi ac yn cymryd mantais o'r system. Gyda'r seren rygbi, Jonathan Davies, yn wyneb i'r cwmni, ry'n ni'n gofyn pwy sy'n talu'r pris wrth inni geisio bod yn wyrdd'
Ymunwch gyda Meleri a Huw wrth iddyn nhw grwydro Cymru a chael pob math o antur yn yr awyr agored. Heddiw, bydd Meleri yn ymweld a Sioe Aberystwyth yng nghwmni Tomi, Ianto a Morys gyda Mali a Macs yn cael hwyl ar dwyni tywod Merthyr Mawr a Huw ac Elan yn cwrdd a dwy ffrind sydd wrth eu bodd yn marchogaeth.
Mae hi'n ddiwrnod yr etholiad ac mae Arthur a Trystan yn gwneud popeth posib' i ennill pleidleisiau, ond mae'r canlyniad yn dysgu gwers i'r ddau. Mae trafferthion ariannol Philip yn cynyddu, ond diolch i Dylan caiff lygedyn o obaith. Mae'r annifyrwch yn parhau rhwng Mathew a Lea a chywilydd Mathew'n gwaethygu wrth i fwy o bobl ddod i wybod am ei gamgymeriad carwriaethol. Yn dilyn galwad ffon argyfyngus mae Dani'n rhuthro i Gasnewydd heb wybod bod y datrysiad i'r broblem yn llawer nes at adref.
Does dim byd gwell gan Deian a Loli na chwarae yn yr Arcêd, ac ma'r ddau'n benderfynol o guro Tegan meddal o'r peiriant crafanc. Ond wrth wneud ei hun yn fach i geisio nôl Tegan mae Deian yn cael ei ddal, ac os nad ydi Loli'n gallu curo sialens yn erbyn yr Arceidwad mae peryg i'w brawd droi'n Degan meddal am byth!
Cyfres wyddoniaeth newydd sy'n mynd ati i egluro sut mae'r byd o'n cwmpas yn gweithio. Mae olew yn sylwedd dadleuol. Ar yr un llaw, mae wedi pweru datblygiad y byd diwydiannol, ond ar y llaw arall, yn un o'r prif resymau dros gynhesu byd eang. Y gwyddonydd Bedwyr ab Ion Thomas sy'n cymryd golwg agosach ar yr hylif tywyll o grombil y Ddaear.
Y tro hwn, mae ein 3 cynllunydd creadigol sef Gwyn Eiddior, Mandy Watkins a Carwyn Lloyd Jones yn wynebu'r her o adnewyddu 3 ystafell mewn cartref teuluol ym Mhenrhyn Coch. Ni fydd gan y teulu syniad sut hwyl geith y tri a gyda chyllidebau gwahanol fe fydd tipyn o sialens yn eu hwynebu - a fydd ein tîm adnewyddu yn llwyddo i drawsnewid hen dy yn HEN DY NEWYDD'
Cyfres antur lle' mae timau o bedwar yn ceisio cyrraedd lloches ddiogel cyn i'r haul fachlud a dianc rhag Gwrach y Rhibyn. Mae amser yn brin i'r timau i gwblhau eu sialensiau nesaf. Mae Ysgol Brynrefail yn gorfod rhannu'n barau i'r cam nesaf a Tryfan yn brwydro yn erbyn llif yr afon.
Yn rhaglen ola'r gyfres mae 'Amser Maith Maith yn ôl' yn mynd a ni i'r Oesoedd Canol ag i Llys Llywelyn. Mae hi'n dawel yn Llys Llywelyn heddiw. Mae'r Tywysog a'i osgordd wedi gadael. Mae nhw yn symud at un o lysoedd arall Llywelyn. Ond, mae gwaith tacluso i'w wneud a tybed beth sydd ar y gweill gyda'r ddau ddrygionis - Grwgyn a Gruffudd. Mae hi'n dawel yn Llys Llywelyn heddiw. Mae'r Tywysog a'i osgordd wedi gadael. Ond, mae gwaith tacluso i'w wneud ac mae rhywbeth ar y gweill gyda Grwgyn
Y tro hwn, ma'r bois nôl ar yr hewl ac ar y ffordd i Lerpwl. Dinas sydd, medde nhw, yn ddarn bach o Gymru yn Lloegr. Pêl-droed, y Beatles - ac yn achos y bois - bwyd! Ar ôl trip o gwmpas y ddinas a'r strydoedd Cymraeg bydd ¿Scouse¿ yn y Gadeirlan, a pizza brecwast yn Albert Dock. Trip lan i Southport wedyn i wneud bach o shrimpo, cyn anelu am Luban - bwyty Tseineiadd gorau'r ddinas - a fel yr arfer, parti pizza wedi ysbrydoli gan yr hyn ma'r bois di ddysgu!
Mae'r artist Steve 'Pablo' Jones o Gaernarfon yn pacio bag ac yn mynd i Covent Garden yn Llundain, i Eglwys Sant Paul ble mae'n cwrdd â'r canwr Aled Jones er mwyn gwneud portread ohonno. Er bod Aled a Steve yn edrych fel y cwpwl od, fe wnaethon nhw dynnu mlaen yn syth ac yn sgwrsio fel cwpl o hen ffrindiau. Mae Aled yn teimlo y gall fod yn agored am yr amser pan gollodd y cariad at ganu ond a fydd Steve yn gallu dal y bregusrwydd hwnnw pan ddaw i'r portread'
Ganrif wedi i rai merched ennill y bleidlais am y tro cyntaf, yr actores a'r awdures Ffion Dafis sy'n mynd ar daith bersonol i weld faint sydd wedi newid i fenywod erbyn heddiw. Yn ogystal â siarad â'r menywod dylanwadol yn ei bywyd ei hun, bydd Ffion yn sgwrsio â merched ysbrydoledig o bob cwr o'r wlad er mwyn gweld faint mae cymdeithas wedi symud ymlaen. Wrth fwrw golwg yn ôl dros rai o frwydrau mawr y mudiad hawliau merched, bydd Ffion yn myfyrio ar y brwydrau sydd dal angen eu hennill.
Pennod ola'r gyfres ac fe fydd Elin yn sgwrsio hefo seren y llwyfan a'r sgrîn, y fytholwyrdd Gillian Elisa. Â hithau bellach nôl 'adre' yn Llanbed dyma'r noson gynta i Gillian gynnal gwledd yn ei gardd - croeso cynnes a sgwrsio tan yr oriau mân, a hanner canrif o straeon am ei gyrfa anhygoel yn yn llifo. O flaen tanllwyth o dân fe fyddwn ni'n hel atgofion am ddyddiau yr opera roc Melltith ar y Nyth, Sabrina yn Pobol y Cwm¿ ac wrth gwrs, pwy all anghofio, Mrs OTT.
Elin Fflur a Trystan Ellis Morris fydd yn cyflwyno prif gystadleuaeth cyfansoddi y flwyddyn. Mewn darllediad byw o Dragon Studios ym Mhencoed, bydd 8 cân newydd yn brwydro am dlws enillydd Cân i Gymru ynghyd a gwobr ariannol o £5000 i'r enillydd, £2000 i'r ail a £1000 i'r trydydd. Pleidlais gyhoeddus yn unig fydd yn dewis yr enillydd, felly cofiwch i fwrw eich pleidlais. Y barnu, y cystadlu, yr anthemau di-ri, pwy fydd y nesa i hawlio eu lle yn hanes Can i Gymru'
Rhaglen deithio lle bydd y cerddor Gwilym Bowen Rhys yn ymweld â'r Wladfa ym Mhatagonia er mwyn darganfod mwy am hanes y Cymry ymfudodd yno yn 1865. Bydd Gwilym yn cwrdd â nifer o bobl leol ar hyd a lled y Wladfa wrth iddo ddysgu am yr hanes, yr iaith, y gerddoriaeth a'r diwylliant. Mae taith Gwilym yn cychwyn ym Mhorth Madryn wrth iddo ddysgu am hanes y Cymry gobeithiol laniodd yno ar fwrdd y Mimosa.
Rhifyn arbennig o'r gyfres fel rhan o Wythnos Traethau S4C, lle cawn ein tywys ar hyd pedair taith arfordirol ddifyr. Pwy o'r gr¿p fydd â'r wibdaith fwyaf cofiadwy, y picnic mwyaf blasus a'r ffeithiau mwyaf diddorol' Diane Roberts o Borthaethwy, Larissa Armitt o Abersoch, Paul Davies o Bognor Regis (ond o'r Rhondda'n wreiddiol), a Dewi Edwards o Lanilltud Fawr yw'r pedwar bydd yn mynd benben am y cyfle i ennill £1,000.
Cyfle arall i weld y ffilm gerdd i'r teulu cyfan sy'n olrhain bywyd bachgen bach 7 oed o'r enw Noa. Mae rhieni Noa yn hyfryd, ond maen nhw'n brysur tu hwnt. Mae Noa'n unig blentyn, ond dydy e ddim yn unig. Mae Noa wedi creu ffrind dychmygol drygionus o'r enw Albi, sy'n un o nifer o 'ffrindiau dychmygol' sy'n byw mewn byd arbennig iawn. Mae'r ffilm yn adrodd hanes y teulu cyffredin yma yn ystod un gaeaf hudol wrth i fywyd Noa gael ei drawsnewid. Mae'r ffilm wedi'i hysgrifennu a'i chreu gan Caryl
Mae 3 seleb yn paratoi pryd o fwyd 3 chwrs i'w fwynhau gyda'i gilydd. Fe fydd pob un o'r tri yn gyfrifol am ddewis un cwrs yr un. OND nid nhw fydd yn paratoi na choginio'r rysáit maen nhw wedi'i dewis. Sut siâp fydd arnyn nhw yn y gegin tybed' Ar ôl y coginio mae'n amser blasu a chyfarfod â'r gweddill. Beth maen nhw i gyd yn ei feddwl o ryseitiau ei gilydd' A fydd y bwyd yn plesio' Heddiw fydd 'na dri o'r byd newyddion a thywydd o gwmpas y Bwrdd i Dri.
Yn y gyfres hon bydd y cyn chwaraewr rygbi Scott Quinnell yn mynd ar hyd a lled Cymru yn troi ei law at bob math o weithgareddau a phrofiadau amrywiol. Cyfle i ymarfer ei Gymraeg a dysgu geirfa newydd wrth gael llond ei fol o hwyl. Yr wythnos hon mae'n mynd i bysgota, Sglefrio Iâ ac yn cael gwers Bîtbocsio
Cyfres newydd llawn hwyl yn dilyn rhai o blant Cymru sy'n caru ceffylau a gweld y berthynas, y gwaith, yr ymroddiad, y siom, y dewrder a'r llawenydd sy'n ran o farchogaeth. Y tro yma, mae Harry ac Evan yn paratoi ar gyfer pencampwriaeth gemau ar gyfrwy genedlaethol ac mae Elan yn ffarwelio gyda hen ffrind.
Ym mhennod tri, mae Ellie - arweinydd ¿Tîm Rebellion¿ - yn gwireddu ei breuddwyd o ymuno â thîm Cheer Cymru i gystalu mewn pencampwriaeth ryngwladol. Mae'n dod dros ei brwydr gyda hunan hyder isel diolch i gymorth gan weddill y tîm, ei chwaer, ac wrth gwrs, ei mab bach sy'n ymuno â hi pob cam o'r daith liwgar.
Gyda phencampwriaeth yr Ewros ar y gorwel (o'r diwedd), mae Chwedloni yn ôl gyda chyfres o straeon gan unigolion ar draws Cymru yn ymwneud a chwedlau pêl-droed. Boed yn chwedlau doniol neu ddifrifol, am deithio neu enwogrwydd, dyma straeon ac atgofion personol gan gefnogwyr ymroddgar pêl-droed Cymru.
O'r anrhegion i'r addurniadau - o'r sgrin deledu i'r bwyd, dros y can mlynedd dwetha mae'r ffordd da ni dathlu'r Nadolig yng Nghymru wedi ei drawsnewid yn llwyr. Dyma gyfle i deuluoedd ail-ymweld ag un diwrnod Dolig yn hanes eu teulu nhw, a thu ôl i'r tinsel a'r twrci, byddwn yn datgelu stori a sefyllfa eu cyndeidiau ar y pryd. Yn y rhaglen hon, fydd dau deulu yn ail-greu Nadolig arbennig o'i hanes teuluol - un teulu yn mynd nôl i 1961 a'r llall i 1984.
Cyfres goginio newydd gyda Colleen Ramsey. Mae bywyd a bwyd yn dod law yn llaw i Colleen. Yn rhaglen olaf y gyfres mae'n dangos i ni sut i greu prydau 'ffansi pants', rhai sy'n edrych yn fwy cymhleth nag ydyn nhw. Ac mae Mam a Dad Colleen yn dod draw i fwynhau pwdin arbennig.
Dewch i dyrchu trwy archif Recordiau Sain yng nghwmni'r cynhyrchydd a DJ hip-hop o Aberdar, Don Leisure, wrth iddo greu casgliad newydd o ail-ddehongliadau rhai o glasuron a gemau coll y label. Ar hyd y ffordd cawn gwrdd a rhai o'r cymeriadau chwedlonol y tu ol i'r caneuon mae e wedi eu samplo wrth greu ei record newydd; 'Tyrchu Sain'.
Yn y rhaglen arbennig hon o Geredigion bydd Heledd Cynwal, Iestyn Jones a Sion Tomos Owen yn darganfod beth sydd gan Aberaeron i'w gynnig. Bydd Heledd yn profi peth o gyffro tu ôl i'r llenni pantomeim Theatr Felinfach, bydd Iestyn yn cael tro yn chwarae coets, a bydd Sion ar drywydd cymeriadau lleol lliwgar, Dafydd Gwallt Hir a Mari Berllan Bitar.
Ymunwch ag Elin Fflur o faes ein prifwyl eleni, Parc Ynys Angharad, i ail-fyw perfformiadau o lwyfannau'r Eisteddfod. Ar Lwyfan y Maes cawn fwynhau gwledd o ganu gan neb llai nag Eden wrth iddynt gloi'r Eisteddfod eleni. O'r hen i'r newydd, mae yna rywbeth yma at ddant pawb.
Sioe Nadolig gyda Cherddorfa Genedlaethol Gymreig y BBC a chast o gymeriadau a chyflwynwyr poblogaidd Cyw. Mae pawb ym Myd Cyw yn edrych ymlaen i ddathlu'r Nadolig! Maen nhw wrthi yn paratoi pan ddaw galwad gan Cyw i ddweud bod yna argyfwng! Tybed a ddaw Cyw adre ar gyfer y diwrnod mawr ac a oes digon o amser i Siôn Corn lenwi sled' Efallai gall Deian a Loli helpu'
Cyfres newydd am yr efeilliaid direidus a'u pwerau hudol. Caiff Deian a Loli sioc wrth i ddarlun draig Deian ddod yn fyw a chyflwyno ei hun fel Dai y Ddraig! Mae'r ddau'n dysgu nad ydi o'n Ddraig hapus iawn gan ei fod yn ysu i gael dod o hyd i gartref. Does dim amdani felly ond ymuno â Dai ym myd y Cartŵn i geisio dod o hyd i'r cartref delfrydol!
Mae'r wyl yn anodd i bawb eleni, yn enwedig Mam, gan mai hon ydi'r Nadolig cynta' heb Taid. A ma' beryg i betha' waethygu wrth i'r efeilliaid dorri cloch Nadolig Taid. Os na nawn nhw ei thrwshio hi, fydd Nadolig Mam wedi ei ddifetha'n llwyr! Pwy sydd yn dda am drwshio petha' Corachod Siôn Corn wrth gwrs! Dewch ar antur gyda'r efeilliaid drygionus a chyfarfod â llu o ffrindiau arbennig iawn, a chawn weld os fydd hi'n Nadolig Llawen eleni!
Pennod arbennig am yr efeilliaid direidus a'u pwerau hudol. Mae hi'n Noswyl Nadolig ac wrth gyfarfod â sowldiwr bach o'r enw Arwen mae Deian a Loli'n dysgu bod 'na argyfwng - mae Ysbryd y Nadolig wedi diflannu a heb hwnnw fydd y Nadolig wedi ei ganslo! Rhaid helpu Arwen ddod o hyd i Ysbryd y Nadolig reit sydyn cyn i'r Nadolig ddod i ben am byth!
Mae Dom a Lloyd yn mynd ar daith o gwmpas Cymru i ddeall mwy am iechyd meddwl dynion. Dros y gyfres mae'r ddau am ymweld â phobl anhygoel mewn llefydd arbennig, i geisio dysgu mwy am fywyd ac iechyd meddwl dynion yng Nghymru a gobeithio dysgu ychydig mwy amdanyn nhw ei hunain hefyd. Yn y bennod yma mae Dom a Lloyd yn ymweld â dynion o fewn y byd myfyrwyr.
Sir 5 ar y daith yw Sir Gâr, Sir Gaerfyrddin. Awn i Gaerfyrddin i fwynhau'r sîn roc Gymraeg yng Ng¿yl Canol Dre, i fwynhau seiclo yn ardal Llanelli, bro'r Scarlets, am drip i Dalacharn i flasu ysbryd Dylan Thomas ac am chips ar draeth Llansteffan. Gorffenwn yn y Mynydd Du, Drefach Felindre a Llandysul. Yna daw'r daith i ben yn sir enedigol Ryland, Ceredigion. Cawn fwynhau afonydd, traethau, pentrefi a threfin, trenau, rhaeadrau a promenâd!
FFASIWN DREFN - RHAGLEN 4 Yn y gyfres hon bydd y cyflwynydd Lara Catrin a'n trefnydd proffesiynol Gwenan Rosser yn rhoi trefn ar gypyrddau dillad a llofftydd ar hyd a lled Cymru. 'Lle i bopeth a phopeth yn ei le' yw'r nod. Yr wythnos hon cwpwrdd dillad Meinir Williams Jones o Ynys Môn sy'n cael ei drawsnewid.
Charla sy'n croesawu Mel i Bontypridd y tro hwn. O'r Lido i'r farchnad, i un o dafarnau eiconig y dre, 'Clwb y Bont', mae Mel yn cael blasu bob twll a chornel o'r dre yma. Mae hefyd yn cal det diddorol yn un o'r bariau coctels newydd, 'Y Tipsy Owl', ac yn gweld ychydig yn fwy na be mae'n ddishgwl. Mae Ponty yn sicr yn le unigryw a'r ffitîs lleol yn frîd arbennig hefyd!
Noson o gomedi LHDTC+ wedi ei ffilmio o flaen gynulleidfa fyw yn Eglwys Norwyaidd hanesyddol Bae Caerdydd, wedi ei chyflwyno gan Al Parr. Sêr y sioe yw rhai o ddigrifwyr gorau Cymru - Priya Hall, Ellis Lloyd Jones, Leila Navabi, Chris Rio, a Sianny Thomas. Mae'r rhaglen hefyd yn cynnwys perfformiad arbennig gan Gymuned Ddawnsfa Gymreig.
Rhaglen arbennig awr o hyd yng nghwmni Meinir Gwilym a Helen Scutt - o flodau'r Sakura i drin Bonsai, cawn flas ar ddiwylliant garddio unigryw Japan. Ymunwch â ni yn nhymor blaguro'r ceirios - sy'n troi Japan yn binc yn y Gwanwyn, mewn ton o flodau sy'n tasgu o'r de i'r gogledd.
I ddathlu ei ben-blwydd yn 60 oed mae Gareth 'Gaz Top' Jones am nofio 60km o'r de i ogledd Cymru ar draws llynnoedd, afonydd, a chronfeydd d¿r. Dros dair wythnos bydd Gareth yn nofio mwy nag y mae erioed wedi ei wneud o'r blaen. Yn ystod wsos olaf y sialens bydd y nofiwr gwyllt Caris Bowen yn cefnogi Gareth wrth iddo deithio ar draws y gogledd cyn gorffen ei sialens drwy nofio lawr yr afon Conwy. Ond ar ôl tair wythnos nofio fydd ganddo ddigon o egni i lwyddo'
Dilynwn yr ymdrechion i dorri recordiau Guinness World Records Cymru 2024 - ac mae un ymgais uchelgeisiol yn cynnwys lori anferth, monster truck a'r rhaff tynnu'r gelyn hiraf yn y byd! Yna, mae Bois y Pizza ac Ysgol y Strade yn anelu at dorri record y llun cerdyn fflip fwyaf - a bydd ymgais hefyd i dorri record y 20 metr cyflymaf ar Space Hopper ac adeiladu'r t¿r uchaf wedi ei neud o bicau ar y maen! Alun Williams a Rhianna Loren sydd yn ôl i dorri mwy o recordiau Guinness World Records!
Mae rhai o enwogion Cymru yn checio mewn i Gwesty Aduniad Nadolig yma. Mae'r actor Richard Ellis am i'r Gwesty ddod o hyd i'r gwir am ei ddad-cu, wnaeth dwyllo'r fyddin er mwyn cael mynd i'r Rhyfel Byd Cyntaf. Bydd Ditectif Mathias o'r Gwyll, Richard Harrington, yn gobeithio fod y Gwesty yn gallu datrys ei ddirgelwch personol ei hun, ac mae'r athletwraig a cyn-chwarewraig rygbi rhyngwladol, Non Evans am ddiolch i hen ffrind fu'n gefn iddi mewn cyfnod anodd.
Garmon ab Ion sy'n arwain y gynulleidfa trwy gyfres o heriau sy'n seiliedig ar fformatau gemau sydd wedi eu gweld yn flaenorol ar fideos Hansh. Yn gymysgedd o wynebau cyfarwydd y sianel ac aelodau o'r gynulleidfa, bydd Garmon yn ceisio ateb y cwestiwn bytholwyrdd "Pwy sy'n well: Gogs neu Hwntws'" Bydd y cystadleuwyr yn mynd benben yn erbyn wynebau cyfarwydd y sianel mewn heriau poblogaidd e.e 'Cwis Trydanol', 'Be Sy' Yn Y Bocs' a 'Dwi erioed wedi'.
Cyfres gydag Angharad Mair a Siân Thomas yn dathlu 30 mlynedd o raglen Heno. Eisteddwch nôl i chwerthin a rhyfeddu ar rai o straeon mawr ddiwedd y 90au. Yn rhaglen ola'r gyfres, bandiau 'Cool' y cyfnod, Cwpan Rygbi'r Byd yng Nghymru, dathlu'r mileniwm a sgwrs gyda'r cyflwynydd Aled Jones.
Drama 'sci-fi' llawn diregelwch. Mae ITOPIA wedi rhyddhau'r 'Z' ¿ dyfais cyfathrebu chwyldroadol. Mae Lwsi'n cael trafferth i ddod i arfer gyda'r 'Z' ac yn gofyn am help gan Zac. Mae Alys a Macs yn anghytuno ynglŷn â'r ffordd orau i ddelio â'r hyn welson nhw yn yr Uned Biotech.
Yn rhaglen olaf y gyfres mae'r cogydd tanbaid Chris 'Flamebaster' Roberts yn mentro i Barcelona yng Nhatalonia i ddarganfod diwylliant bwyd bywiog y ddinas yng nghwmni'r cerddor Cerys Matthews. O tapas mewn bariau vermuth i ddosbarth meistr paella, bydd Chris yn cael profiadau bwyta bythgofiadwy.
Cyfres realiti yn dilyn teulu tair cenhedlaeth o Benparc, Sir Gaerfyrddin sy'n byw a bod y byd amaeth. Rydym yn eu gweld yn ymestyn eu fferm deuluol er mwyn sicrhau pob cyfle masnachol posib a helpu Myfanwy ac Adrian i sicrhau'r dyfodol gorau i'w 3 plentyn. Does dim dal nôl ar y teulu yma - maent yn rhannu gwybodaeth ac emosiynau yn onest ac yn glir. Tro hwn, mae pen-blwydd mawr gyda theulu Penparc¿ A fydd yna ddathlu mawr' Ma'i Off 'Ma!
Steffan Powell sy'n cyflwyno rhaglen o Lanelli. Ar y panel fydd Carwyn Jones, Llafur Cymru; Sioned Williams, Plaid Cymru; Samuel Kurtz, Ceidwadwyr Cymreig; a Rhian Bowen Davies, Comisiynydd Pobl Hyn Cymru. Fe fyddwn ni'n trafod cyllido gwasanaethau cyhoeddus, pwysau ar y gymuned amaethyddol, a sut i adfywio'r stryd fawr.
Be sy'n mynd mlaen mewn un o'r 'car meets' drwg-enwog sy'n denu miloedd ar filoedd o bobl ifanc ar draws Prydain bob wythnos' Dyna mae criw ceir Unit Thirteen isio ffeindio allan yn y bennod olaf o'r gyfres, cyn neidio o un eithaf i'r llall a theithio ar draws y môr Gwyddelig at LZ Festival i weld ffordd llawer gwell - a saffach - o fwynhau ceir.
Jason Mohammad sy'n cyflwyno'r sioe Cwis Chwaraeon newydd sbon lle mae brains yn cwrdd â brawn, Pen/Campwyr. Jonathan, Tanwen a Roy o Glwb Tri 2-1 sy'n ateb cwestiynau chwaraeon i ennill mantais yn erbyn y rhedwr marathon eithafol Huw Brassington mewn cyfres o heriau chwaraeon rhithiol, i ennill gwobr ariannol.
Mae hi'n ddydd Nadolig ac mae hwyl yr wyl yn ei anterth yn y caffi. Yn anffodus, nid yw pawb yn y pentref yn teimlo fel dathlu a Iestyn ar ei ben ei hun yn parhau i alaru a hiraethu am Tammy. Nid Sion Corn yw'r unig ymwelydd annisgwyl, ac mae'r trafferth a ddaw yn ei sgil yn peri gofid a chynnwrf mawr. Mae Mair a Ioan yn benderfynol o dynnu'n groes, a'r ddau'n dathlu yn eu dull hwyliog eu hunain, ond mae chwarae'n troi'n chwerw a'r ddau'n wynebu sefyllfa beryglus.
Yng nghwmni tanllwyth o dân a'r ardd mor hudolus yng ngolau'r lloer fe gawn ni gwmni'r actores a'r gantores, Olwen Rees. Y Wenfô ym Mro Morgannwg yw'r cartref ers sawl degawd bellach, ond mae Olwen yn parhau i fod yn Gofi Dre yn ei chalon, a chawn glywed am ei hatgofion bore oes o blentyndod yng Nghaernarfon, dilyn ôl troed ei Mam i'r byd perfformio, ac yna priodi â'r enwog Jonny Tudor. Mae Olwen yn perthyn i oes aur byd darlledu ac adloniant Cymru, a hyd heddiw mae ei hegni a'i chymeriad yn fyt
Cyfres yn dilyn Marian a Rob Evans o Lansteffan, sydd wedi prynu ty fferm gyda thir, coedwig, a chastell Normanaidd. Yn y bennod olaf ac ar ol dwy flynedd o aros, mi gewn ni weld y briodas gyntaf swyddogol yn y castell. Hefyd, mae Ffion a Catrin yn cael blas ar gadw gwenyn, ac fe gewn ni weld beth yw cynlluniau Marian ar gyfer y dyfodol gyda'r fferm a'u busnesau.
