• 3 llwy fwrdd o olew rapeseed
• 1 nionyn wedi ei dorri'n fân
• 3 ewin garlleg
• 50g madarch porcini (wedi cael ei socian mewn dwr poeth am 30 munud)
• 400g madarch 'chestnut'
• 2 llwy de o deim
• hufen sengl
• 600ml stoc cyw iâr

1. Cynheswch 3 llwy fwrdd o olew rapeseed mewn padell ffrio. Ychwanegwch 1 nionyn a 3 ewin garlleg a'u coginio am ychydig o funudau.
2. Tynnwch 50g o fadarch porcini allan o'r hylif gan wasgu unrhyw beth ychwanegol allan.
3. Torrwch a'i rhoi yn y badell gyda 400g o fadarch 'chestnut' a 2 llwy de o deim.
4. Coginiwch am 5 munud cyn ychwanegu'r hylif porcini a digon o stoc i orchuddio'r madarch (Tua 600ml)
5. Bydd y gymysgedd angen ei fudferwi am 5 munud, yna tastiwch i wneud yn siŵr nad oes angen mwy o halen neu bupur.
6. Byddwch angen blendio'r gymysgedd ac ychwanegu ychydig o'r hufen sengl.
7. Gallwch weini'r cawl gyda thost cynnes â menyn arno.

Rysáit wedi ymddangos yn wreiddiol fel rhan o raglen Parti Bwyd Beca.

Rysáit gan Beca Lyne-Pirkis.