• 500g blawd bara cryf
• 10g burum sych
• 10g halen
• 250ml llaeth cyflawn
• 65g siwgr
• 85g menyn heb ei halltu
• 1 wy
• olew blodau'r haul ar gyfer ffrio
• siwgr eisin

• 200g llus ffres
• 75ml o ddŵr
• 50g siwgr caster
• sudd hanner lemon
• 1-2 llwy fwrdd o flawd corn

1. Rhowch y blawd a'r halen mewn powlen gymysgu fawr a rhwbiwch y menyn i mewn iddo cyn ychwanegu siwgr a'r burum a'u cymysgu'n dda.
2. Ychwanegwch yr wyau a'r llaeth.
3. Dewch a'r gymysgedd at ei gilydd i ffurfio pelen cyn ei arllwys ar fwrdd.
4. Tylinwch y toes nes yn esmwyth - mi fydd yn feddal i gychwyn, ond parhewch i'w weithio am tua 10 munud.
5. Rhowch y toes yn ôl i mewn i'r fowlen a'i adael wedi ei orchuddio gyda lliain nes ei fod wedi dyblu mewn maint, o leiaf un awr.
6. Unwaith mae'r toes wedi codi, crafwch allan o'r fowlen a'i osod ar fwrdd wedi ei orchuddio gyda blawd.
7. Yn defnyddio'ch dwylo, gwthiwch y toes i lawr i siâp hirsgwar cyn ei rolio allan i drwch o ¼ modfedd.
8. Torrwch y toes i ddiemwntau neu sgwariau gan ddefnyddio cyllell finiog neu dorrwr pizza. Gadewch i orffwys am 10 munud nes bod yr olew yn gwresogi.
9. I goginio'r beignets, llenwch sosban gyda'r olew a'i wresogi i dymheredd o 170ºC.
10. Codwch y beignets yn ofalus a'u gosod yn yr olew nes yn euraidd ar un ochr. Trowch drosodd, a'u coginio ar yr ochr arall.
11. Mi wneith hyn gymryd 2-3 munud.
12. Unwaith maen nhw wedi coginio, draeniwch ar bapur cegin a'u hysgeintio gyda siwgr eisin.
13. I'w gweini yn boeth gyda'r saws llus.
14. I wneud y saws llus, rhowch yr holl gynhwysion heblaw am y blawd corn mewn sosban dros wres canolig, a'u coginio am 5-8 munund.
15. Ffurfiwch bast gyda'r blawd corn a dŵr a'i ychwanegu i'r sosban.
16. Trowch yn aml nes bod y saws wedi tewhau.
17. I'w weini'n syth neu i'w gadw wedi ei orchuddio - ail gynheswch cyn gweini.

Rysáit wedi ymddangos yn wreiddiol fel rhan o raglen Parti Bwyd Beca.

Rysáit gan Beca Lyne-Pirkis.