Help i Rieni gyda rhaglenni addysgol Cyw
Os ydych chi adre gyda'r plant ac yn chwilio am gynnwys sy'n diddori ac yn addysgu, gallwn ni yn S4C eich helpu.
Mae nifer fawr o gyfresi teledu Cyw a chynnwys digidol fel apiau a gemau yn cynnig cyfle i blant oed meithrin a chyfnod sylfaen ddysgu wrth chwarae. Dewch i ddysgu yn Ysgol Cyw!
Ysgol Cyw
Dyma restr o'r cyfresi dysgu wrth chwarae sydd ar gael ar-alw ar wefan Cyw ac ar S4C Clic.
Newydd
Amser Maith, Maith Yn Ôl
Dwy gyfres ddrama sy'n cyflwyno hanes i blant. Mae'r rhaglenni yn straeon am fywydau plant yn ystod oes y Celtiaid, y Tuduriaid, Fictoria a'r Rhyfel Mawr. Cyfres sydd wedi ei chreu gyda chyngor haneswyr ar gyfer plant cyfnod sylfaen a hyd at 8 oed.
Newydd
Anifeiliaid Bach Y Byd
Cyfres sy'n cyflwyno anifeiliaid bach y byd i blant bach Cymru. Dewch ar antur gyda ni i gwrdd ag anifeiliaid bach y byd.
Newydd
Blero yn Mynd i Ocido
Cyfres animeiddiedig am gymeriad chwilfrydig o'r enw Blero sydd yn cyflwyno gwyddoniaeth i blant.
Newydd
Blociau Rhif
Mae gan pob rhif gymeriad arbennig. Mae Blociau Rhif yn gyfres addysgol sy'n cyflwyno rhifedd i blant Sylfaen ac yn cael hwyl wrth gyfri.
Newydd
Caru Canu
Detholiad o ganeuon a hwiangerddi hen a newydd i blant ddysgu a chyd-ganu. Mae'r gyfres gyfan hefyd ar gael ar You Tube Caru Canu.
Newydd
Cyw a’i ffrindiau
Cyfres sy'n dangos sut mae Cyw a'i ffrindiau yn chwarae, darganfod a gwneud synnwyr o'r byd o'u cwmpas. Mae pob pennod yn cyflwyno profiad newydd y mae'n rhaid i Cyw a'i ffrindiau ei wynebu a'i ddatrys ac yn brofiadau y bydd y gynulleidfa ifanc yn uniaethu ag ef.
Newydd
Deian a Loli
Cyfle i gamu i mewn i fyd hud a lledrith gyda'r efeilliaid direidus a'u pwerau hudol.
Newydd
Dwylo’r Enfys
Cwrdd a phlant gwahanol ym mhob rhaglen a chyflwyno 'makaton', sef iaith arwyddo syml i blant bach.
Newydd
Jamborî
Celf a cherddoriaeth wedi ei anelu at y plant ieuengaf. Amrywiaeth o eitemau byr sy'n cyfuno delweddau gweledol a cherddoriaeth amrywiol sy'n swyno plant
Jen a Jim a’r Cywiadur
Rhaglenni rhifedd i blant cyfnod Sylfaen. Mae cyfresi cyfan Jen a Jim ar Hwb Addysg. Mae cyfres Jen a Jim ar gael trwy hwb dysgu Llywodraeth Cymru ac wedi cael eu creu ar gyfer cyflwyno'r cwricwlwm i blant cyfnod Sylfaen.
Newydd
Oli Wyn
Mae'r pyped bywiog Oli Wyn wrth ei fodd gyda pheiriannau a cherbydau mawr o bob math: trenau, loriau llwch, jac codi baw. Cyfres i bawb sydd hefyd wedi ei datblygu yn arbennig ar gyfer plant ag awtistiaeth.
Sbarc
Fformat hwyliog gyda'r cyflwynydd Tudur Phillips sy'n ymdrin a gwyddoniaeth mewn ffordd sy'n hwyl ac yn ddoniol.
Newydd
Shwshaswyn
Cyfres arbennig sy'n helpu plant anghofio am fwrlwm y byd a chymryd munud i ymlacio a meddwl. Animeiddiadau sy'n cyflwyno meddylgarwch.
Newydd
Sigldigwt
Dewch i westy Sigldigwt i weld sut mae gofalu am anifeiliaid anwes o bob math.
Newydd
Siôn y Chef
Mae Sion y Chef yn cael hwyl wrth goginio prydau bwyd i'w gwsmeriaid. Adloniant animeiddiedig i blant sy'n cyflwyno bwydydd a choginio.
Newydd
Timpo
Mae'r criw bywiog yma o ffrindiau wrth eu boddau yn datrys problemau a gweithio fel tîm.
Dewch i ymlacio gyda Shwshaswyn
Dyma ystod o weithgareddau lles a meddwlgarwch Shwshaswyn sy'n cynnwys ymarferion bach gofalgar a chrefftau syml sy'n helpu'r plantos bach i ymlacio a chymryd seibiant.
Ymarfer gofalgar yr wythnos
Ymarferion Gofalgar Fflwff
Ymarferion Gofalgar Seren
Ymarferion Gofalgar gyda'r Capten
Adnoddau Amser Maith Maith yn Ôl
Mae S4C mewn partneriaeth efo Llywodraeth Cymru, Boom Plant, Canolfan Peniarth a'r Ganolfan Dysgu Cymraeg Genedlaethol wedi datblygu pecyn addysg i gyd-fynd efo'r gyfres Amser Maith, Maith yn Ôl. Mae'r adnoddau sy'n cyd-fynd efo'r penodau ar S4C Clic ar gael yma ar Ysgol Cyw.
AMMYO - Y Tuduriaid - Y Bwgan Coch
AMMYO - Y Tuduriaid - Dwyn Wyau
AMMYO - Oes Fictoria - Wncwl Twm
AMMYO - Oes Fictoria - Trip Trên
AMMYO – Rhyfel Byd 1af – Nôl Adre
AMMYO - Rhyfel Byd 1af - Gadael Cartref
Mae'r pecyn cyfan sydd yn cynnwys adnoddau rhyngweithiol a thaflenni gwaith a gweddill rhaglenni Amser Maith, Maith yn Ôl ar blatfform Hwb Llywodraeth Cymru
Taflenni gwaith Cyw
Taflen waith Cyw i'r plant
Cynllun gwaith Cyw i Rieni
Taflen waith Cyw i'r plant 2
Cynllun gwaith Cyw i Rieni 2
Ap newydd yn mynd â phlant ar Antur gyda Cyw
Un o'r cyntaf i ddefnyddio'r ap oedd Megan Alaw o Gaerfyrddin, sy'n bum mlwydd oed. "Y peth rwy'n hoffi orau am Antur Cyw yw gwneud geiriau ar drên Jangl a dyfalu beth yw'r llythrennau coll. Rwy' wedi cael nhw i gyd yn gywir hyd yn hyn, ond mae'n mynd yn fwy anodd bob tro felly rwy' am ddal i chwarae. Rwy'n edrych mlaen i ddweud wrth fy ffrindiau amdano pan fydda i nôl yn yr ysgol."
Ap Antur Cyw
Lle i blant ddysgu, chwarae a chael hwyl. Wy ti'n gallu helpu Cyw i gwblhau'r GEIRIAU yn y ffair? Wyt ti'n gallu CYFRI ar y fferm? Beth am daith ar y tren SILLAFU? Beth am gyfansoddi CERDDORIAETH? Beth am fod yn greadigol gyda LLIWIAU yn yr ardal celf? Neu, wyt ti'n gallu paru'r SIAPIAU'R picnic?
Cer amdani!
Apiau
Cyfle i arwain eich plentyn trwy fyd llawn hwyl a lliw wrth gyd chwarae a darganfod gyda'ch gilydd. Cynnwys dwyieithog ac yn addas i unrhyw aelwyd.
Ap Byd Cyw
Mae'r ap yn cynnwys gemau, cerddoriaeth a chymeriadau byd Cyw i gadw cwmni i'ch plentyn a'u tywys nhw ar antur.
Ap Cyw Tiwb
Mae'r ap wedi ei ddylunio'n arbennig ar gyfer plant bach felly gallwch fod yn dawel eich meddwl bod y profiad yn hawdd i fysedd bychain ei ddefnyddio ac y bydd y cynnwys yn addas i blant 0-6 oed.
Dysgu gyda Stwnsh
Dewch i ddysgu gyda Stwnsh! Mae cyfresi adloniant ffeithiol sy'n cyflwyno gwybodaeth ac yn llawn hwyl a sbri.
Mwy o adnoddau defnyddiol
BBC
Am fwy o adnoddau defnyddiol, mae 'na gynnwys rhyngweithiol hwyliog ac addysgiadol ar gael ar wefan BBC Cymru.