Swyddi

Mae S4C yn fwy na sianel deledu. Rydyn ni'n gartref i straeon, creadigrwydd a syniadau sy'n adlewyrchu Cymru ac yn mynd â'r Gymraeg i'r byd.

Rydyn ni'n dîm o bobl angerddol sy'n gweithio gyda'n gilydd i greu dyfodol cyffrous i S4C. Rydyn ni'n chwilio am bobl sy'n barod i ddod â syniadau newydd, herio'r arferol a gwneud gwahaniaeth.

Beth bynnag fo'ch cefndir neu'ch profiad, os ydych chi'n rhannu ein huchelgais, bydden ni wrth ein bodd yn clywed gennych chi.

Dewch i ymuno â ni!

Rydyn ni wedi ymrwymo i greu gweithlu mwy amrywiol a chynhwysol. Rydyn ni'n cynnig cyfweliad gwarantedig i ymgeiswyr anabl a/neu ymgeiswyr o gymunedau'r Mwyafrif Byd-eang sy'n bodloni meini prawf hanfodol y swydd. 

Rydym yn cydnabod bod unigolion talentog yn gallu wynebu rhwystrau wrth geisio cael mynediad at gyfleoedd yn y diwydiannau darlledu a chreadigol, ac o ganlyniad nad ydynt yn cael eu cynrychioli’n ddigonol yn ein gweithlu. Drwy’r cynllun hwn, ein nod yw helpu i gael gwared ar rai o’r rhwystrau hynny a sicrhau bod ein prosesau recriwtio yn deg, yn hygyrch ac yn gynhwysol.

Bydd ymgeiswyr sy’n nodi eu bod o gefndir y Mwyafrif Byd-eang a/neu eu bod yn anabl, ac sy’n bodloni’r meini prawf hanfodol ar gyfer y swydd, yn cael cynnig cyfweliad gwarantedig.

Er mwyn cael eich ystyried o dan y cynllun hwn, y cyfan sydd angen i chi ei wneud yw ticio’r blwch perthnasol ar y ffurflen gais.

Bydd pob ymgeisydd yn cael ei asesu yn erbyn yr un meini prawf yn ystod y broses gyfweld a dethol, a bydd penodiadau’n cael eu gwneud ar sail teilyngdod.

Yn barod am eich her nesaf? Edrychwch ar ein swyddi gwag isod a dewch i fod yn rhan o ddyfodol S4C.