1. Cyffredinol

Mae’r telerau ac amodau hyn yn berthnasol i gystadlaethau a gynhelir gan raglenni dyddiol Tinopolis, Heno a Prynhawn Da. Trwy gymryd rhan yn y gystadleuaeth hon, rydych yn cytuno i gael eich rhwymo gan yr holl delerau ac amodau perthnasol.

Trefnir a hyrwyddir y gystadleuaeth gan Heno neu Prynhawn Da, y ddwy raglen o Tinopolis, Stryd y Parc, Llanelli, SA15 3YE (“Tinopolis”) neu prynhawnda@tinopolis.com / heno@tinopolis.com

Dylid cyfeirio unrhyw ymholiadau am y gystadleuaeth at Tinopolis yn y cyfeiriadau uchod yn y lle cyntaf.

2. Cymhwysedd a gofynion y gystadleuaeth

Mae’r gystadleuaeth yn agored i gorau o ysgolion cynradd yng Nghymru ac i ysgolion cyfrwng Cymraeg y tu allan i Gymru.

Gofynnir i ysgolion gyfansoddi carol neu gân Nadoligaidd wreiddiol, gan gynnwys geiriau a cherddoriaeth, nad yw’n para mwy na thri munud.

Ni chaniateir defnyddio cyfansoddwyr proffesiynol, oni bai eu bod yn athrawon.

Rhaid i bob côr gynnwys uchafswm o 50 o blant.

Gellir defnyddio offerynnau addas ac unrhyw nifer o gyfeilyddion.

Mae’r ysgolion yn gyfrifol am sicrhau’r caniatâd angenrheidiol gan rieni neu warcheidwaid i ddisgyblion gymryd rhan yn y gystadleuaeth. Rhaid i bob rhiant neu warcheidwad lofnodi ffurflen ganiatâd ffilmio cyn i unrhyw ffilmio ddigwydd.

Ni chaniateir i weithwyr Tinopolis, unrhyw un o is-gwmnïau Tinopolis, S4C nac unrhyw unigolion neu gwmnïau eraill sy’n ymwneud yn uniongyrchol â’r gystadleuaeth, na’u teuluoedd agos, gymryd rhan.

Gall gofynion cymhwysedd ychwanegol gael eu nodi yn Hysbysiad y Gystadleuaeth.

3. Gwobrau

Bydd ffi o £100 yn cael ei thalu i bob côr sy’n cael ei ffilmio fel rhan o’r rhestr fer.

Bydd y côr buddugol yn derbyn taliad ychwanegol o £200 a thlws y gystadleuaeth.

Mae’r wobr yn derfynol ac ni ellir ei chyfnewid na’i throsglwyddo.

4. Sut i gystadlu

I fod yn gymwys, rhaid i gystadleuwyr anfon recordiad o’u carol neu gân a chopi o’r geiriau drwy e-bost at ** prynhawnda@tinopolis.com ** neu drwy’r post at:

Carol yr Ŵyl
Canolfan Tinopolis
Stryd y Parc
Llanelli
SA15 3YE

Rhaid cyflwyno pob cais yn unol â rheolau a rheoliadau’r gystadleuaeth. Ni fydd ceisiadau a gyflwynir mewn unrhyw ffordd arall yn cael eu derbyn.

Dim ond un cais a ganiateir gan bob ysgol. Os yw’n amlwg bod ysgol wedi cyflwyno mwy nag un cais, dim ond un cais fydd yn cael ei ystyried.

Dylai ysgolion gadw copi o’u cais ar gyfer eu cofnodion eu hunain.

5. Dyddiad cau

Y dyddiad cau ar gyfer ceisiadau yw dydd Gwener 23 Hydref 2026 am 6.00pm.

Ni fydd ceisiadau a dderbynnir ar ôl y dyddiad a’r amser cau yn cael eu cynnwys yn y gystadleuaeth.

Ni fydd Tinopolis nac S4C yn derbyn cyfrifoldeb am geisiadau a gyflwynir ar ôl y dyddiad neu’r amser cau.

Ni ellir derbyn prawf o anfon e-bost fel prawf o dderbyn cais.

Nid yw Tinopolis yn cymryd cyfrifoldeb am wallau, hepgoriadau, ymyriadau, oedi, problemau technegol, colli ceisiadau nac unrhyw faterion eraill sydd y tu hwnt i’w rheolaeth.

6. Beirniadu a darlledu

Bydd panel beirniadu yn ystyried y ceisiadau a dderbynnir ar ôl y dyddiad cau ac yn dewis rhestr fer o wyth cais.

Bydd y beirniaid yn barnu ar sail teilyngdod y garol neu’r gân yn unig, heb gael manylion y cystadleuwyr yn ystod y broses feirniadu lle bo hynny’n ymarferol.

Penderfyniad y beirniaid ynghylch y rhestr fer a’r enillydd fydd yn derfynol. Ni fydd adborth na dyfarniad ysgrifenedig ar gael.

Bydd y perfformiadau ar y rhestr fer yn cael eu ffilmio a’u darlledu ar Prynhawn Da a fideo arbennig yr enillwyr yn darlledu ar Heno. Bydd y trefniadau ffilmio a darlledu ar gyfer 2026 yn cael eu cadarnhau gyda’r ysgolion perthnasol.

Ni chaniateir meimio i recordiad. Rhaid i’r perfformiad a ffilmir fod yn berfformiad byw.

Mae Tinopolis ac S4C yn cadw’r hawl i newid y rheolau a’r rheoliadau hyn, neu i ganslo neu addasu’r gystadleuaeth, os bydd amgylchiadau y tu hwnt i’w rheolaeth yn gwneud hynny’n angenrheidiol.

7. Caniatâd rhieni a hawliau ffilmio

Rhaid i aelodau pob côr fod o oedran ysgol gynradd a chael caniatâd eu rhieni neu warcheidwaid i gymryd rhan yn y gystadleuaeth ac i dderbyn gwobr, os yw’n berthnasol.

Mae Tinopolis yn cadw’r hawl i wirio bod y caniatâd angenrheidiol wedi’i roi cyn cyhoeddi’r enillydd.

Rhaid i bob rhiant neu warcheidwad lofnodi ffurflen ganiatâd ffilmio cyn unrhyw ffilmio.

Trwy gymryd rhan yn y gystadleuaeth, mae’r cystadleuwyr yn cytuno y gall Tinopolis ac S4C ddefnyddio’r recordiad at ddibenion darlledu, cyhoeddusrwydd a hyrwyddo, gan gynnwys ar deledu, gwefannau a chyfryngau cymdeithasol, yn unol â’r caniatâd a’r telerau perthnasol.

Mae Tinopolis ac S4C yn cadw’r hawl i ofyn am wybodaeth ysgrifenedig am gyfansoddwr y geiriau neu’r gerddoriaeth.

8. Hawliau a defnydd o’r cais

Trwy gymryd rhan, mae cystadleuwyr yn cadarnhau ac yn gwarantu:

• Bod yr holl wybodaeth a ddarperir i Tinopolis yn gywir, yn gyfredol ac yn gyflawn.
• Eu bod yn bodloni’r meini prawf cymhwysedd ar gyfer y gystadleuaeth.
• Bod ganddynt ganiatâd i ddefnyddio neu gynnwys unrhyw bobl, cynnwys neu ddeunydd arall yn eu cais.
• Nad yw’r cais yn torri hawliau eiddo deallusol, preifatrwydd nac unrhyw hawliau eraill trydydd parti.
• Nad yw’r cais yn cynnwys deunydd enllibus, difenwol, anweddus, aflonyddu neu fygythiol.

Mae Tinopolis ac S4C yn cadw’r hawl i ddefnyddio’r recordiad at ddibenion y gystadleuaeth, darlledu a hyrwyddo, yn unol â’r caniatâd a’r hawliau a roddir ar gyfer y gystadleuaeth.

Os bydd cais yn cyrraedd y rhestr fer, gall S4C ddefnyddio’r fideo at ddibenion marchnata ar y teledu ac ar gyfryngau cymdeithasol, gan gynnwys Facebook, Instagram, YouTube a llwyfannau perthnasol eraill, yn unol â’r caniatâd a gafwyd.

Nid yw Tinopolis yn gwarantu y bydd unrhyw gais yn cael ei ddefnyddio. Gall Tinopolis wrthod, golygu, dileu neu gyfyngu ar fynediad i unrhyw gais y mae’n ystyried ei fod yn amhriodol neu’n broblemus yn gyfreithiol.

Dylai cystadleuwyr gadw copi o’u cais. Nid yw Tinopolis yn derbyn cyfrifoldeb am gadw neu ddychwelyd ceisiadau.

9. Gwiriadau a diarddel

Mae Tinopolis yn cadw’r hawl i wirio cymhwysedd unrhyw ymgeisydd, gan gynnwys gofyn am dystiolaeth ysgrifenedig o oedran neu ganiatâd perthnasol.

Gall Tinopolis ddiarddel unrhyw ymgeisydd sy’n gwrthod darparu gwybodaeth ofynnol neu os oes sail resymol dros gredu bod yr ymgeisydd wedi torri’r telerau ac amodau.

Os caiff enillydd ei ddiarddel ar ôl hynny, gall Tinopolis, yn ôl ei ddisgresiwn, ddyfarnu’r wobr i’r ymgeisydd nesaf sy’n bodloni meini prawf y gystadleuaeth.

10. Cyhoeddusrwydd a phreifatrwydd

Trwy gymryd rhan yn y gystadleuaeth, mae cystadleuwyr yn cydnabod y gall Tinopolis ac S4C ddefnyddio enw a delwedd yr enillydd at ddibenion cyhoeddusrwydd, yn unol â’r caniatâd a’r telerau perthnasol.

Bydd gwybodaeth bersonol yn cael ei chasglu, ei storio a’i phrosesu at ddibenion gweinyddu a rheoli’r gystadleuaeth, gwirio cymhwysedd a chyflawni rhwymedigaethau cyfreithiol.

Bydd data personol yn cael ei drin yn unol â deddfwriaeth diogelu data berthnasol ac â hysbysiad preifatrwydd Tinopolis:

http://www.tinopolis.com/privacy-notice/ 

11. Atebolrwydd ac anghydfodau

Nid yw Tinopolis nac S4C yn derbyn cyfrifoldeb am wallau neu oedi a wneir gan gystadleuwyr wrth gyflwyno ceisiadau, nac am geisiadau a gyflwynir ar ôl y dyddiad neu’r amser cau.

I’r graddau llawn a ganiateir gan y gyfraith, mae Tinopolis ac S4C yn eithrio atebolrwydd am unrhyw golled, difrod, anaf neu siom sy’n deillio o gymryd rhan yn y gystadleuaeth neu o dderbyn gwobr.

Yn achos unrhyw anghydfod ynghylch y telerau, y wobr, y canlyniad neu unrhyw fater arall sy’n ymwneud â’r gystadleuaeth, penderfyniad Tinopolis fydd yn derfynol, yn ddarostyngedig i hawliau statudol perthnasol.

Mae’r gystadleuaeth a’r telerau hyn yn ddarostyngedig i gyfreithiau Cymru a Lloegr, a bydd unrhyw anghydfod yn ddarostyngedig i awdurdodaeth llysoedd Cymru a Lloegr.