Ar gyfer y meringue:

• 150g gwynwy
• 300g siwgr mân
• 1 llwy de o sbeis cymysg

• Croen hanner lemwn a chroen hanner oren

   

• Toes melys crwst brau
• Mins melys
• Tun pobi ar gyfer creu tartenni maint 4cm

Rhowch y gwynwy mewn cymysgydd bwyd glân a’i chwisgio

Yna ychwanegwch y siwgr fesul tipyn a chwisgio’n gyflym nes bod y cymysgedd yn creu copaon amlwg.

Ychwanegwch y sbeis cymysg a'r croen lemwn ac oren at y cymysgedd a pharhewch i chwisgio.

Rhowch y cymysgedd mewn bag peipio gyda thrwyn neu flaen siâp crwn.

Paratowch y toes drwy ei rolio yn denau ar fwrdd glân sydd â rhywfaint o flawd arno. Torrwch yn gylchoedd maint cywir ar gyfer y tun pobi, a’u gosod yn y tun. Yna gosodwch 10g o fins ymhob tarten.

Pobwch mewn ffwrn sydd wedi ei wresogi i 175°C neu farc nwy 2 am 6 munud. Trowch y ffwrn i lawr i 120 C yn barod ar gyfer cam nesaf.

Tynnwch y tun pobi o’r ffwrn, yna peipiwch y cymysgedd meringue ar ben pob tarten. Pobwch ar 120°C am 8 munud nes bod haenen debyg i gragen denau wedi ffurfio ar y meringue, ond ei fod dal yn feddal tu fewn. 

Mae'r rysáit yma yn gwneud 64 mins pei meringue.