• 20g menyn (gydag ychydig yn ychwanegol i'w frwsio)
• 2 ŵy
• 3 lwy fwrdd o siwgr caster
• 1 llwy fwrdd o flawd
• 75g o laeth
• 75g o hufen
• pinsied o Halen Môn
• hufen ia fanila
• 4 sbrigyn o tarragon
• siwgr caster euraidd i'w weini
• digon o geirios aeddfed

1. Cynheswch y popty i wres o 180 gradd selsiws.
2. Toddwch y menyn mewn padell dros wres isel nes iddo droi yn frown fel cneuen, yna gadewch i oeri ychydig.
3. Mewn powlen, chwipiwch yr ŵy, siwgr a blawd nes yn esmwyth.
4. Ychwanegwch y menyn yn ofalus i'r gymysgedd wyau gan ei chwipio yn gyson.
5. Dewch a'r llefrith a'r hufen i'r berw cyn eu chwipio i mewn i'r gymysgedd wyau.
6. I orffen, tynnwch y dail oddi ar y sbrigyn o tarragon a'i flendio yn y cytew. Fel arall, fe allwch chi dorri'r dail yn fan cyn eu hychwanegu i'r cytew.
7. Brwsiwch waelod eich dysglau gyda menyn. Gorchuddiwch waelod y dysglau gyda cheirios gan wneud yn siŵr eich bod wedi tynnu'r cerrig o bob un. Yna, gorchuddiwch y ceirios gyda'r cytew.
8. Pobwch am 17 munud nes bod y cytew wedi coginio.
9. Unwaith mae'r clafoutis wedi ei goginio, gorchuddiwch gyda siwgr caster euraidd a'i roi o dan y gril nes ei fod wedi carameleiddio.
10. I'w weini gyda sgŵp o hufen ia fanila a deilen aur.

Rysáit wedi ymddangos yn wreiddiol fel rhan o raglen Anrhegion Melys Richard Holt.

Rysáit gan Richard Holt.