• llond llaw o gnau cyll cyfan
• llond llaw o gnau cyll mân wedi eu rhostio
• 1 jar o Nutella
• 1 bocs o Special K
• llond llaw o siocled llaeth

1. Cynheswch y popty i wres o 180°C.
2. Rhostiwch y cnau cyll am 10 – 15 munud nes yn euraidd cyn tynnu'r croen. Yna, gadewch i oeri.
3. Llenwch fag peipio gyda'r nutella gan ffurfio peli bach ar hyd tun pobi wedi ei orchuddio gyda phapur pobi. Rhowch 1 cneuen wedi ei rostio ar bob pelen. Yna, peipiwch belen arall o'r nutella ar ben y gneuen. Rhowch yn y rhewgell am 30 munud nes yn galed.
4. Yn y cyfamser, toddwch y siocled mewn powlen dros ddŵr sy'n stemio. Ychwanegwch y cnau cyll man i'r siocled.
5. Mewn powlen ar wahân, malwch y grawnfwyd Special K.
6. Tynnwch y cnau cyll o'r rhewgell a'u rholio yn eich dwylo i ffurfio sffêr. Rholiwch yn y grawnfwyd mâl i'w gorchuddio. Gwnewch yr un peth i'r holl beli.
7. Unwaith i chi orchuddio bob pelen gyda'r grawnfwyd, trochwch yn y gymysgedd siocled a chnau cyll. Gadewch i oeri trwy eu gosod yn yr oergell.
8. Yna, ffurfiwch byramid gyda'r peli a mwynhewch!

Rysáit wedi ymddangos yn wreiddiol fel rhan o raglen Anrhegion Melys Richard Holt.

Rysáit gan Richard Holt.