Cacen:

• 250g menyn
• 250g siwgr castir
• 250g blawd codi
• ½ llwy de powdr pobi
• 4 ŵy
• 2 lemwn
• 400g llus (blueberries)

Eisin lemwn

• 200g siwgr gronynnog
• sudd o 2 lemwn

Llus mewn gin:

• 50ml gin
• 50g siwgr
• 250g llus

Cacen:

1. Cynheswch y popty ymlaen llaw i 160c
2. Hufenwch y menyn a'r siwgr gyda'i gilydd mewn powlen fawr. Cymysgwch yn dda nes bod y cymysgedd wedi troi'n welw.
3. Wrth gymysgu, ychwanegwch yr wyau fesul un nes eu bod wedi'u hymgorffori'n llawn.
4. Ychwanegwch y blawd a'r powdr pobi, yna croen y lemwn. Cymysgwch yn dda nes bod y cymysgedd yn llyfn.
5. Arllwyswch rywfaint o'r cymysgedd i dun torth wedi'i iro, yna ychwanegwch ychydig o'r llus. Parhewch i ychwanegu mwy o gymysgedd, yna mwy o llus nes bod y cymysgedd hanner ffordd i fyny'r tun.
6. Pobwch am 30 munud nes ei fod wedi coginio.

Eisin lemwn:

1. Cymysgwch y sudd lemwn a'r siwgr gyda'i gilydd mewn powlen neu jwg.
2. Unwaith y bydd y gacen yn dod allan o'r popty, arllwyswch yr hylif dros y gacen. Aros iddo oeri.

Llus mewn gin:

1. Rhowch yr holl gynhwysion mewn padell.
2. Cynheswch yn ysgafn dros wres canolig nes bod yr hylif yn dod i'r berw. Trowch y gwres i lawr, yna mudferwch am 2 -3 munud.
3. Rhowch yn yr oergell i oeri.

Rysáit gan Dan ap Geraint, wedi ymddangos yn wreiddiol fel rhan o raglen Prynhawn Da.