Pliciwch y daten felys a'i thorri'n ddarnau. Rhowch nhw mewn bowlen a'u gorchuddio ag 1 llwy fwrdd o olew olewydd, halen a phupur a garlleg wedi'i falu. Rhowch nhw mewn tun pobi a'u rhostio yn y ffwrn am 20–25 munud.
Rhowch ychydig o olew mewn ffreipan a ffrio'r sialóts am 1 munud ar wres cymedrol cyn ychwanegu'r corbys wedi'u coginio. Coginiwch am ychydig funudau nes iddyn nhw dwymo trwyddynt ac ychwanegu halen fel y dymunwch.
Unwaith mae'r tatws melys wedi coginio, gweinwch nhw ar blât gyda'r corbys a'r burrata wedi ei dorri. Ychwanegwch ychydig bach o finegr balsamaidd a sgeintio basil a phersli wedi'i dorri dros y cyfan. Ychwanegwch olew neu ddarnau tsili at eich pryd os ydych chi'n hoffi bach o sbeis.
Rysaít gan Colleen Ramsey (Colleen Ramsey: Bywyd a Bwyd).
