Bara o’r padell a chig moch masarn
Cynhwysion
- 3 cwpan blawd
- 2 lwy fwrdd olew olewydd
- Dŵr llugoer (tua 300ml–400ml)
- 1 llwy de halen
- 1 llwy de burum sych
- 1 llwy fwrdd menyn
Bydd angen hefyd:
- Cig moch
- Surop masarn / mêl leol
- Caws hufen meddal
Dull
- Rhowch y blawd, y burum a’r halen mewn powlen fawr a chymysgwch i gyfuno. Ychwanegwch y dŵr a’r olew (neu iogwrt) a chymysgwch yn dda. Ychwanegwch ddigon o ddŵr i greu toes meddal iawn, bron yn llaith, yna trowch allan ar arwyneb wedi’i flawdio’n dda a’i dylino am tua 5 munud.
- Rhowch y toes wedi’i dylino yn ôl yn y bowlen a’i orchuddio â lliain llestri llaith neu gap cawod, a’i adael i godi mewn lle cynnes am hyd at awr.
- Pan fydd y toes yn barod, siapiwch yn belenni bach crwn, yna ei gwastatáu ychydig. Ffriwch yn ysgafn mewn padell ffrio gydag ychydig o olew am tua 4 munud ar bob ochr nes eu bod wedi coginio. Os ydynt ychydig yn doesog yn y canol, rhowch yn y popty am 5 munud ychwanegol.
- Cynheswch y gril ymlaen llaw. Rhowch gig moch o ansawdd da ar rac wifren dros hambwrdd pobi wedi’i leinio â ffoil, a’i roi dan y gril poeth am tua 6 munud, nes ei fod ychydig yn grensiog. Brwsiwch ddwy ochr y cig moch â surop masarn a’i roi yn ôl dan y gril am 2 funud arall ar bob ochr. Gadewch iddo oeri ychydig.
- Mae’r surop masarn yn mynd yn boeth iawn, felly byddwch yn ofalus!
- Fel arall, ar gyfer fersiwn cyflym (gyda llai o lanhau), ffriwch y cig moch mewn padell nes ei fod ychydig yn grensiog, draeniwch y braster dros ben, diferwch y surop masarn drosto a’i ffrio eto nes ei fod yn grensiog.
- Nawr haenwch y bara, y caws a’r cig moch stribedi, diferwch ychydig o surop masarn drosto a’i gadw ynghyd â ffon goctel. Ychwanegwch ychydig o domatos ar gyfer lliw ychwanegol!