Cynhwysion: 

• 2 rôl ‘hoagie’ / ‘sub roll’

Menyn Garlleg

• 250g menyn heb halen
• 4 ewin garlleg
• 3 llwy fwrdd persli
• Halen a phupur
• 1 stêc ribeye (wedi’i sleisio’n denau)
• 2 pupur gwyrdd
• 2 winwnsyn
• 1 llwy fwrdd saws Worcestershire
• Halen a phupur
• 6 sleisen caws Provolone / Emmental

Dull

1. Sleisiwch y Stêc: Gan ddefnyddio cyllell finiog, sleisiwch y ribeye mor denau â phosibl yn erbyn y grawn.
2. Ar gyfer y llenwad, cynheswch ychydig o olew llysiau ar blât poeth mawr neu badell ffrio drwm dros wres canolig-uchel. Ychwanegwch y winwns a’r pupurau, gan goginio nes eu bod yn feddal ac ychydig yn golosgi. Gwthiwch y llysiau i un ochr, yna ychwanegwch y stêc wedi’i sleisio i’r arwyneb poeth. Sesnwch gyda halen, pupur, a saws Worcestershire. Coginiwch y cig eidion yn gyflym nes ei fod wedi brownio, yna cymysgwch bopeth gyda’i gilydd.
3. Rhannwch y cymysgedd stêc a llysiau yn ddau ddogn, tua ddigon i ffitio hyd eich rholiau. Rhowch 3 sleisen o gaws Provolone / Emmental ar ben pob dogn a gadewch am funud nes bod y caws wedi toddi, yn ludiog, ac yn gorchuddio’r cig eidion.
4. I gydosod y brechdanau: Taenwch fenyn garlleg y tu mewn i’r rholiau hoagie a’u tostio nes eu bod yn euraidd. Gan ddefnyddio sbatwla, codwch y cymysgedd stêc cawslyd yn syth i mewn i’r rholiau a gweinwch yn syth.

Rysait gan Michelle Evans-Fecci ar gyfer Prynhawn Da

Instagram - bakesbymichelle