Browni Siocled
Cynhwysion
- 185g Siocled Plaen
- 185g menyn heb ei halltu
- 3 wy
- 275g siwgr
- 85g blawd plaen
- 40g powdr coco
- 50g siocled gwyn, wedi’i dorri – neu ffrwythau sych, malws melys, ceirios
Dull
- Cynheswch y ffwrn i 180°C a leiniwch tun sgwâr 20cm gyda dyfnder o 5cm
- Toddiwch y siocled gyda’r menyn a gadewch i oeri
- Chwisgiwch yr wyau a’r siwgr gyda’i gilydd mewn powlen arall
- Arllwyswch y cymysgedd siocled oer i’r cymysgedd wyau a’i blygu’n ysgafn
- Ychwanegwch y blawd a’r powdr coco, a’i blygu i mewn i’r cymysgedd siocled. Arllwyswch i’r tun parod a’i bobi am 25 munud. Ychwanegwch sglodion siocled gwyn. Ar adeg y Nadolig, maen nhw’n edrych yn hyfryd gyda cheirios coch wedi’u cadw. Gallwch hyd yn oed ychwanegu malws melys bach – gwnewch y rysáit yn un eich hun drwy arbrofi gyda’r ychwanegiadau olaf.
- Mae’r browni wedi’u gwneud pan mae’r top yn sgleiniog ac yn dechrau tynnu oddi wrth ochrau’r tun
- Torrwch yn bedwar chwarter, yna torrwch bob chwarter yn bedwar. Torrwch bob sgwâr yn ei hanner i greu trionglau. Maen nhw’n gyfoethog – mwynhewch, ond peidiwch â gorwneud e!!
Rysáit wedi ymddangos yn wreiddiol fel rhan o raglen Prynhawn Da.
Rysáit gan Lisa Fearn.