Y Toes

• 500g blawd bara gwyn cryf
• 7g burum sych neu 15g burum ffres
• 1 llwy de sinamon mâl
• 50g siwgr mân
• 200ml llaeth cynnes
• 2 ŵy
• 1 llwy de halen

Y Llenwad

• 125g siwgr brown golau
• 2 lwy fwrdd sinamon
• 125g menyn
• Pinsiad halen

1. Rhowch holl gynhwysion y toes ym mowlen cymysgydd ar stondin gyda 1 llwy de halwn. Defnyddiwch y bachyn toes i gymysgu’r cyfan nes bod y toes yn dechrau ffurfio pêl. Trowch y toes allan ar arwyneb gyda blawd arno a’i dylino nes ei fod yn llyfn, am tua 2 funud.
2. Leiniwch waelod ac ochrau tun pobi dwfn, tua 20 × 30cm. Cymysgwch y siwgr brown, y sinamon a phinsiad mawr o halen ar gyfer y llenwad. Rhowch 2 lwy fwrdd o’r cymysgedd o’r neilltu, yna curwch y menyn i mewn i’r gweddill i ffurfio past trwchus.
3. Rhowch y toes ar arwyneb gyda blawd arno a’i rolio’n betryal taclus, tua 35 × 25cm. Taenwch y llenwad drosto fel ei fod wedi’i orchuddio’n llwyr. Gan ddechrau wrth un o’r ochrau hir, rholiwch y toes yn dynn. Torrwch y byn yn ei hanner a rhowch y ddau hanner yn y rhewgell am 15 munud i’w cadarnhau. Yna torrwch nhw’n 12 sleisen o’r un maint.
4. Trefnwch y sleisys yn y tun gyda’r troellau’n wynebu i fyny. Gadewch iddyn nhw godi am o leiaf 1 awr.
5. Cynheswch y popty i 200°C / 180°C ffan / marc nwy 6. Pobwch y byniau am 20 munud. Ysgeintiwch y siwgr sinamon a gadwyd o’r neilltu drostyn nhw, yna pobwch am 10–15 munud arall nes eu bod yn frown tywyll.

Rysait Lisa Fearn

Instagram - lisafearncooks