• 220g iogwrt
• 120ml olew olewydd
• 2 ŵy mawr
• 1 llwy de fanila
• 175g siwgr
• 1/2 llwy de halen
• 2 lwy de powdr pobi
• 180g blawd codi
• 1–2 llwy fwrdd croen lemwn
• 1 cwpan llus

Sglein Lemwn

• 120g siwgr eisin
• 2 lwy fwrdd sudd lemwn

1. Mewn powlen fawr, chwisgiwch yr iogwrt, yr wyau, yr olew olewydd a'r fanila nes eu bod yn llyfn.
2. Ychwanegwch y siwgr a chymysgwch yn dda iawn am tua 2 funud.
3. Cymysgwch yr halen a thaenwch y powdr pobi i mewn, yna ychwanegwch y blawd a chwisgiwch nes bod y gymysgedd yn llyfn. Os yw'r gymysgedd yn rhy drwchus, ychwanegwch ychydig mwy o iogwrt neu laeth.
4. Plygwch y llus i mewn yn ofalus, yna arllwyswch y gymysgedd i dun torth sydd wedi'i leinio neu wedi'i iro.
5. Pobwch ar 160°C (popty ffan) am 50–60 munud. Gorchuddiwch y deisen â ffoil ar ôl tua 30 munud os yw'n dechrau brownio'n rhy gyflym.

6. Gadewch i'r deisen oeri'n llwyr.

   I Orffen

7. Cymysgwch y siwgr eisin gyda'r sudd lemwn nes cael eisin llyfn. Ychwanegwch ychydig mwy o sudd lemwn os oes angen i gael y cysondeb cywir, yna diferwch dros y deisen wedi iddi oeri.

Rysait Lisa Fearn ar gyfer rhaglen Prynhawn Da.

Instagram - lisafearncooks