Cacennau Caws
Cynhwysion
- 80g menyn
- 150g bisgedi digestive
- 300g caws hufen
- 60g siwgr eisin
- 1 llwy de past ffa fanila
- 150ml hufen dwbl
- sudd lemwn
Ffrwythau wedi’u Rhostio
- 2 eirin
- 6 mefus
- Dwrn o lus (blueberries)
- Ceirios
- Sudd ½ oren
- Ychydig o jin (dewisol)
- Diferion o fêl
I Weini
- 12 cas myffin
- Blodau bwytadwy
- Mefus siâp calon
- Mafon wedi’u rhewi-sychu
Dull
- Cynheswch y ffwrn i 180°C ffan. Ar gyfer y ffrwythau, rhowch y ffrwythau wedi’u torri mewn dysgl sy’n addas ar gyfer gwres, ynghyd â’r sudd oren, y jin a’r mêl. Rhostiwch am 10–15 munud nes bod y ffrwythau wedi meddalu ond yn dal i gadw eu siâp, yna gadewch i oeri.
- Ar gyfer y gwaelod, malwch y bisgedi’n fân a’u cymysgu gyda’r menyn wedi’i doddi nes ei fod yn edrych fel tywod gwlyb. Rhowch gasys myffin mewn tun cacennau bach 12 twll a rhannwch y gwaelod bisgedi rhwng y casys papur, gan wasgu’n gadarn.
- Ar gyfer y llenwad, chwisgwch y caws hufen, y siwgr, y fanila a’r hufen nes ei fod yn llyfn. Ychwanegwch y sudd lemwn a chymysgwch yn dda.
- Llwywch neu bibellwch y llenwad ar ben y gwaelodion bisgedi a llyfnhau’r topiau. Oerwch yn yr oergell am ychydig oriau, dros nos yn ddelfrydol.
- I weini, llwywch y ffrwythau rhost wedi oeri ar ben pob caws-cacen a diferwch y sudd drosodd o’r ddysgl. Gorffennwch gyda mefus siâp calon, mafon wedi’u rhewi-sychu a blodau bwytadwy.