Cacennau Pasg
Cynhwysion
- 100g blawd plaen
- 40g powdr coco
- 150g siwgr mân
- 1 llwy de bicarbonad soda
- 1 ŵy
- 1 llwy de past fanila
- 100ml llaeth enwyn (buttermilk)
- 60ml coffi
- 70ml olew llysiau
- 12 wy crème bach (wedi’u rhewi)
Ganache siocled
- 180g sbred siocled
- 100g darnau siocled tywyll
- 300ml hufen dwbl
Cywion meringŵ
- 1 gwyn ŵy mawr
- 80g siwgr mân
- Lliw bwyd melyn
I addurno
- Wyau bach siocled
Dull
- Ar gyfer y meringŵ, cynheswch y popty i 100°C (ffan). Mewn cymysgydd, chwipiwch y gwyn ŵy nes ei fod yn ewynnog ac yn sych, yna ychwanegwch y siwgr llwy ar y tro nes bod y cyfan wedi’i ddefnyddio a bod y meringŵ yn drwchus ac yn sgleiniog, ac ni allwch deimlo’r siwgr wrth rwbio ychydig o’r cymysgedd rhwng eich bysedd.
- Ychwanegwch ychydig o liw bwyd melyn i’r cymysgedd. Rhowch y meringŵ mewn bag pibelli gyda ffroen gron a phibellwch siapiau triongl bach ar bapur pobi; ychwanegwch driongl llai ar ben rhai i greu cywion mwy. Pobwch am 30–35 munud neu nes eu bod yn sych i’r cyffyrddiad. Gadewch i oeri.
- Pan fyddant wedi oeri, tynnwch lygaid, pỉg a thraed ar y meringŵ gyda beiro bwytadwy i’w gwneud iddynt edrych fel cywion bach.
- Cynheswch y popty i 160°C (ffan) a llenwch dun cacennau cwpan gyda 12 o gasys papur.
- Rhowch yr ŵy, fanila, llaeth enwyn, coffi wedi oeri ac olew llysiau mewn powlen a chymysgwch yn dda. Ychwanegwch y blawd, powdr coco, siwgr a bicarbonad mewn powlen fawr, yna llenwch y casys papur hyd at 3/4 llawn. Gwthiwch ŵy crème i’r canol a phobwch am 20–25 munud neu nes bod pin bach yn dod allan yn lân. Gadewch i oeri.
- Tra bod y cacennau’n pobi, gwnewch y ganache drwy ychwanegu’r sbred siocled a’r darnau siocled i bowlen. Cynheswch yr hufen nes ei fod yn stemio, yna tywalltwch dros y siocled. Gadewch am ychydig funudau i doddi, yna cymysgwch yn egnïol nes ei fod yn llyfn ac yn sgleiniog. Rhowch yn yr oergell i gadarnhau.
- Rhowch y ganache mewn bag pibellu a phibellwch droelliad ar bob cacen.
- Addurnwch gyda wyau bach siocled a’r cywion meringŵ.