Ar gyfer yr hufen mascarpone

• 250g mascarpone
• 200ml hufen dwbl
• 60g siwgr eisin
• 1 llwy de rhinflas fanila
• 1 llwy fwrdd gwin Marsala (dewisol)

Ar gyfer y coffi:

• 250ml espresso cryf
• 1 llwy fwrdd siwgr mân
• 1–2 lwy fwrdd gwin Marsala (dewisol)

Ar gyfer y bisgedi

• 20 bisgedi ladyfinger Eidalaidd (savoiardi)

I addurno

• Menyn siocled
• Powdr coco
• 30g cnau cyll neu gnau pistasio
• Ffrwythau ffres
• 10 casyn cacennau bach papur

1. Gwnewch yr espresso neu’r coffi cryf a chymysgwch y siwgr i mewn tra ei fod yn gynnes. Gadewch iddo oeri’n llwyr. Ychwanegwch y Marsala, os ydych yn ei ddefnyddio.
2. Rhowch y mascarpone, yr hufen dwbl, y siwgr eisin a’r fanila mewn powlen. Chwisgiwch nes bod y gymysgedd yn drwchus, yn llyfn ac yn ddigon cadarn i’w pheipio. (Os ydych yn defnyddio Marsala, ychwanegwch ef tua’r diwedd a chymysgwch nes ei fod wedi’i gyfuno.) Trosglwyddwch yr hufen mascarpone i fag peipio gyda phen plaen neu siâp seren.
3. Trosglwyddwch y taeniad siocled i fag peipio. Torrwch dwll bach ym mhen y bag.
4. Trochwch ddwy fisged ladyfinger yn y coffi oer, gan eu troi’n gyflym fel eu bod yn llaith ond yn dal i gadw eu siâp.
5. Peipiwch linell denau o siocled ar hyd un ochr i un fisged. Peipiwch linell hael o hufen mascarpone wrth ei hymyl. Rhowch y ddwy fisged at ei gilydd fel bod y siocled a’r mascarpone rhyngddynt, gan greu brechdan fach.
6. Rhowch y pâr o fisgedi mewn cas cacen fach papur unigol. Ailadroddwch gyda gweddill y bisgedi ladyfinger yn yr un modd.
7. I addurno, peipiwch droell hael o hufen mascarpone dros ben pob cacen tiramisù. Ysgeintiwch haen ysgafn o bowdr coco drostynt.
8. Gorffennwch gydag ychydig o gnau cyll neu gnau pistasio wedi’u tostio a’u torri, a darn bach o ffrwyth ffres. Rhowch y cacennau yn yr oergell am ychydig oriau, neu dros nos os oes modd.

Rysait Michelle Evans-Fecci.

Instagram - bakesbymichelle