Cegin S4C

Cegin S4C

Cnau Melys a Hallt

Cynhwysion

  • 450g cnau cymysg heb halen
  • 80g hadau pwmpen
  • 2 lwy fwrdd hadau blodyn yr haul
  • 2 lwy fwrdd olew
  • 2 lwy fwrdd mêl clir
  • 2 lwy fwrdd halen môr
  • 1 llwy de pupur du mâl

Dull

  1. Rhowch y cnau a’r hadau mewn powlen fawr ac arllwyswch y mêl a’r olew drostynt. Cymysgwch yn dda ac arllwyswch ar hambwrdd pobi.
  2. Rhowch yn y popty a choginio am tua 15–20 munud, gan droi o bryd i’w gilydd nes bod yr holl gnau wedi troi’n euraidd.
  3. Tynnwch o’r popty, tywalltwch i bowlen a malu’r halen nes ei fod yn fân. Arllwyswch dros y cnau ynghyd â’r pupur du a chymysgwch yn dda.
  4. Gadewch i oeri cyn ei weini neu ei bacio mewn jariau gwydr seliedig.

 

Rysáit wedi ymddangos yn wreiddiol fel rhan o raglen Prynhawn Da.

Rysáit gan Nerys Howell.