Gwnewch bast drwy falu’r tsili, sinsir, garlleg, rhan wen y shibwnsyn a choesynnau hanner y criw o goriander mewn cymysgydd bach (cadwch y dail ar gyfer addurno ar y diwedd) – efallai bydd angen ychwanegu ychydig o ddŵr i lacio’r cymysgedd.
Cynheswch yr olew mewn woc dros wres canolig-uchel ac ychwanegwch y darnau cyw iâr i’w brownio ar bob ochr.
Cymysgwch y past i mewn a choginiwch am 1–2 funud arall. Ychwanegwch y menyn cnau daear, y stoc a’r iogwrt a dewch â’r cymysgedd i’r berw. Gostyngwch y gwres a’i adael i fudferwi am 10 munud nes bod y cyw iâr wedi coginio’n llwyr a’r saws wedi tewychu. Ychwanegwch unrhyw lysiau gwyrdd ychwanegol, hanner ffordd drwy goginio’r cyw iâr. Ychwanegwch y dail sbigoglys yn y munudau olaf i’w gwywo.
Gweinwch gyda reis neu nwdls, wedi’i addurno â dail coriander wedi’u torri.
