Cyw Iâr Catsw
Cynhwysion
Cyw iâr
- Olew llysiau
- 4 bron cyw iâr
- 2 wŷ
- 100g blawd plaen
- Halen a phupur
- 1 llwy de perlysiau cymysg
- 200g briwsion bara / panko / creision ŷd
Y saws
- Ychydig olew llysiau
- 2 winwnsyn
- 2 foronen
- 10g siwgr brown
- 4 ewin garlleg
- Sinsir
- 60g blawd plaen
- 40g powdr cyri canolig
- 1 llwy de garam masala
- 30g mêl
- 2 lwy fwrdd saws soi
- Pinsiad naddion tsili
- 800ml stoc cyw iâr
I’w weini
- Reis a dail salad
- Shibwns
Dull
- Ar gyfer y cyw iâr, torrwch y bronnau cyw iâr yn ddarnau. Rhowch y blawd, yr wyau a’r briwsion bara mewn tair powlen ar wahân, a sesnwch y blawd gyda halen, pupur a pherlysiau sych. Trochwch y darnau cyw iâr, ychydig ar y tro, yn y blawd, wedyn yn yr wy ac yna yn y briwsion bara. Rhowch y cyw iâr wedi’i orchuddio ar blât tra byddwch yn paratoi’r saws.
- Ar gyfer y saws cyri, cynheswch ychydig o olew mewn padell a ffrïwch y winwnsyn a’r foronen am 10 munud. Ychwanegwch y siwgr, y garlleg a’r sinsir a choginiwch am ychydig funudau pellach. Ysgeintiwch y blawd, y powdr cyri a’r garam masala drosto a choginiwch am 1 munud. Cymysgwch y mêl a’r saws soi i greu past. Arllwyswch y stoc cyw iâr i mewn, gorchuddiwch a mudferwch am 20 munud nes bod y foronen wedi meddalu. Rhowch y saws mewn cymysgydd a’i gymysgu nes ei fod yn llyfn, yna rhowch nol i’r badell i gadw’n gynnes.
- Ar gyfer y cyw iâr, cynheswch yr olew mewn padell ffrio fawr a ffrïwch am 3–4 munud ar bob ochr nes ei fod yn euraidd a chrimp. Trosglwyddwch i hambwrdd i gadw’n gynnes mewn ffwrn isel tra byddwch yn coginio gweddill y cyw iâr.
- I’w weini, rhowch reis wedi’i goginio ar un ochr y bowlen a salad ar yr ochr arall. Gosodwch y cyw iâr ar ei ben ac ychwanegwch y saws. Addurnwch gyda darnau o shibwns wedi’u sleisio.