• 6-8 golwyth Cig Oen Cymru
• 2 lwy fwrdd olew olewydd
• 2 foronen
• 1 genhinen
• 1 winwnsyn
• 2 lwy fwrdd blawd plaen
• 650 ml stoc cig oen / hanner stoc ac hanner stowt
• 1 llwy fwrdd  piwrî tomato.
• 1 llwy fwrdd saws Worcestershire
• Sbrigiau teim
• Rhosmari
• 100g menyn hallt
• 4-5 taten fawr flodio
• Pupur a halen

1. Cynheswch y popty i 180˚C /160˚C ffan / Nwy 4.
2. Rhowch halen a phupur ar y golwython cig oen. Cynheswch yr olew mewn padell ffrio dros wres canolig a ffrio'r golwython cig oen am ychydig funudau ar bob ochr nes eu bod wedi brownio. Trosglwyddwch y golwython cig oen i ddysgl gaserol canolig.
3. Ffriwch y foronen, y genhinen a’r winwnsyn yn yr un badell ffrio nes eu bod yn frown ysgafn ac wedi meddalu.
4. Ychwanegwch y blawd a’i droi am ychydig funudau cyn ychwanegu’r stoc, stowt a saws Worcestershire. Cymysgwch yn dda, a dewch ag ef i'r berw i’w dewychu.
5. Arllwyswch y cymysgedd dros y golwython, gan ychwanegu sbrigiau o rosmari a theim.
6. Trefnwch y tafelli tatws ar ben y hotpot cig oen, gan orgyffwrdd â'r ymylon, yna brwsiwch â'r menyn wedi'i doddi.
7. Pobwch yr hotpot yn y popty am tua 1½ awr nes bod y tatws wedi coginio ac yn grensiog.

Rysait gan Elwen Roberts ar gyfer Prynhawn Da

Instagram - elwen.roberts