• 500g Cregyn Gleision ffres
• 150ml gwin gwyn sych
• 1 winwnsyn
• ¼ pupur coch
• 2 lwy bwrdd olew olewydd
• 2 ewin garlleg
• 2 lwy de teim

1. Gwiriwch eich cregyn gleision... os nad ydynt yn cau ar ôl cael tap sydyn, taflwch nhw. Bydd cragen las iach bob amser yn cau pan gaiff ei thapio – dyma un o'i ffyrdd o amddiffyn ei hun.
2. Rhowch yr olew olewydd mewn padell a ffriwch y winwnsyn, y pupur a'r garlleg yn ysgafn. Peidiwch â gadael i'r winwns newid lliw – cadwch y gwres yn isel!
3. Ychwanegwch y gwin gwyn a'r teim i'r badell, yna dewch â'r cyfan i fudferwi. Ychwanegwch y cregyn gleision, rhowch gaead ar y badell a gadewch iddynt stemio am 4 i 5 munud. I weld a ydynt wedi coginio, codwch y caead – os yw'r cregyn gleision wedi agor, maent yn barod.
4. Taflwch unrhyw gregyn gleision sydd heb agor – mae hyn yn bwysig. Y rheol yw: dylai cragen las fyw gau pan gaiff ei thapio, a dylai fod ar agor ar ôl ei choginio!
5. Ychwanegwch yr hufen i'r badell a chynheswch am funud arall. Yna arllwyswch y cyfan i bowlen fawr agored, gwasgarwch bersli wedi'i dorri'n fân drosto a gweinwch gyda bara crystiog blasus.

Rysait Lisa Fearn.

Instagram - lisafearncooks