Coginiwch y pasta mewn dŵr hallt berwedig am tua 10 munud, yna’i ddraenio gan gadw rhywfaint o’r dŵr coginio.
Yn y cyfamser, cynheswch yr olew mewn padell ffrio dros wres canolig. Torrwch y garlleg, y shibwns a’r tsili yn fân a’u coginio yn yr olew am ychydig funudau, yna ychwanegwch groen a sudd y lemwn a chymysgwch y cig cranc brown i mewn.
Ychwanegwch y pasta a digon o’r dŵr coginio a gadwyd i lacio’r cymysgedd – tua 3 llwy fwrdd – ac yna cymysgwch y cig cranc gwyn i mewn.
Ychwanegwch y persli wedi’i dorri a’i gymysgu drwy’r pasta nes ei fod wedi’i ddosbarthu’n gyfartal.
Rhannwch rhwng powlenni pasta, rhowch y corgimychiaid wedi’u coginio ar ei ben, a gweinwch gyda diferyn ychwanegol o olew a salad gwyrdd.
