Cyw Iâr a Phasta

• 4 bron cyw iâr
• Halen a phupur du
• 2 lwy fwrdd olew tomatos sych
• 400g pasta

Saws

• 2 shibwnsyn
• 5 ewin garlleg
• 1 llwy de darnau tsili (dewisol)
• 2 lwy de paprica
• 2 lwy de oregano sych
• 250ml hufen dwbl
• 500ml stoc cyw iâr
• 100g parmesan
• 200g tomatos sych
• 3–4 llond llaw sbigoglys
• Basil ffres a parmesan i’w weini (dewisol)

1. Berwch y pasta nes ei fod yn al dente, gan gadw 1 cwpan o ddŵr y pasta, yna draeniwch.
2. Sesnwch y cyw iâr a’i ffrio mewn padell nes ei fod yn euraidd, yna rhowch i’r neilltu.
3. Yn yr un badell, coginiwch y shibwns am 4–5 munud nes eu bod yn feddal, yna ychwanegwch y garlleg, paprica a’r darnau tsili. Ychwanegwch y tomatos sych, yna arllwyswch yr hufen a’r stoc a mudferwch yn ysgafn am 5–10 munud.
4. Cymysgwch y parmesan, oregano a’r sbigoglys. Ychwanegwch y dŵr pasta a gadwyd i lacio’r saws os oes angen. Ychwanegwch y cyw iâr a’r pasta, yna cymysgwch i’w orchuddio
5. I’w weini, ychwanegwch basil a parmesan ychwanegol ar ei ben.

Rysait gan Michelle Evans-Fecci ar gyfer Prynhawn Da

Instagram - bakesbymichelle