Pitsa
Cynhwysion
Toes
- 600g blawd gwyn
- 2 llwy de halen
- 1 llwy de burum sych
- 390ml dŵr cynnes
- 1 llwy fwrdd olew olewydd
- 1 llwy de siwgr mân
Ychwanegol:
- Blawd
- Olew olewydd
Saws
- 1 tun o domatos
- piwrî tomato
- 1 llwy de siwgr mân
- 1 llwy de past garlleg
- 1 llwy de oregano sych
- Halen a phupur
- Tsili
Dull
- Rhowch holl gynhwysion toes y pizza mewn powlen a chymysgwch nes bod toes garw yn ffurfio. Tynnwch y toes allan ar y bwrdd gwaith a’i dylino nes ei fod yn sidan ac yn llyfn. Gorchuddiwch y bowlen a’i adael i orffwys am 30 munud.
- Rhannwch y toes yn 4 darn. Cymerwch y darn cyntaf a thynnwch yr ymylon tuag at y canol, trowch drosodd a’i siapio’n bêl dynn. Ailadroddwch gyda phob darn, yna rhowch ar hambwrdd wedi’i lwchio â blawd. Llwchwch y top gyda blawd a gorchuddiwch gyda cling ffilm neu dywel te glân. Gadewch am 1–2 awr nes bod y toes wedi chwyddo.
- I wneud y saws, cymysgwch yr holl gynhwysion gyda’i gilydd mewn powlen a’i roi o’r neilltu.
- Pan fydd y toes yn barod, cynheswch y ffwrn i 200°C ffan a rhowch hambwrdd metel neu garreg pobi i gynhesu yn y ffwrn. Cymerwch ddarn o’r toes a, gan ddefnyddio’ch dwylo, ei ymestyn i siâp crwn gan adael yr ymylon ychydig yn fwy trwchus.
(I wneud pizza siâp calon, gwnewch doriad bach ar y top a gwthiwch y toes allan i greu siâp calon.)
Cymerwch ddarn o bapur pobi a thaenwch ychydig o olew olewydd arno, yna rhowch y gwaelod pizza ar ei ben. Taenwch y saws drosto ac ychwanegwch eich dewis o dopinau. Codwch y pizza gan ddefnyddio’r papur pobi a’i roi ar ben yr hambwrdd poeth yn y ffwrn. Pobwch yn rhannol am 10–12 munud nes bod y gwaelod yn grensiog, y crwst yn euraidd a’r caws yn byrlymu. - Tynnwch y pizza allan o’r ffwrn a diferwch ychydig o fêl poeth neu glaser balsamig drosto. Torrwch, a mwynhewch