Pwdin Padell
Cynhwysion
- 20g menyn hallt
- 125g ceirch
- 4 llwy fwrdd siwgr brown
- 1 llwy de sinamon
- 50g cnau
- 50g hadau cymysg
- 2 lwy fwrdd mêl
Llenwad
- 20g menyn hallt
- 800g afalau coginio / ffrwyth addas (megis gellyg, eirin, cwins, mwyar duon)
- 2 lwy fwrdd siwgr brown
- Sudd ½ lemwn
Dull
- Toddwch y menyn mewn padell ffrio fawr a choginiwch y ceirch, y siwgr a’r cnau dros wres canolig i uchel nes eu bod yn euraidd, yna ychwanegwch yr hadau a choginiwch am 5 munud arall.
- Tywalltwch y mêl drostynt, cymysgwch yn dda a choginiwch am 2 funud arall. Tynnwch oddi ar y gwres a thywalltwch y cymysgedd i bowlen. Sychwch y badell yn ysgafn cyn coginio’r ffrwythau.
- Piliwch, tynnwch ganol a sleisiwch yr afalau. Toddwch y menyn yn yr un badell ac ychwanegwch yr afalau, cymysgwch y siwgr a’r sudd lemwn i mewn a choginiwch am 5 munud nes bod yr afalau wedi meddalu. Tywalltwch y topin drostynt a gweinwch yn syth o’r badell gyda crème fraîche, cwstard neu iogwrt.