• 2 brest cyw iar
• 100g blawd plaen
• 1 ŵy mawr (wedi’i guro)
• 50g briwsion bara ‘panko’
• 30g caws parmesan  (wedi’i gratio)
• ½ llwy de perlysiau cymysg sych
• ½ llwy de powdr garlleg
• Pupur a halen
• ½ llwy de paprica
• Olew
• 1 letys bach
• 25g croutons bara
• 25g caws parmesan neu cheddar

I’r dresin :

• 1 pot bach iogwrt naturiol
• 3 llwy fwrdd caws parmesan neu cheddar
• 1 llwy fwrdd sudd lemwn
• Croen ½ lemwn wedi’i gratio
• 1 llwy de fwstard Dijon
• Pupur du
• 2 ewin garlleg
• 1 llwy fwrdd olew olewydd
• 2 ffiled anchovies

1. Rhowch yr holl gynhwysion i’r dresin mewn powlen a ddefnyddiwch chwisg a chymysgu’n dda. Ei roi yn yr oergell tra’n paratoi’r cyw iar.
2. Rhoi’r brest cyw iar ar hambwrdd torri, rhoi haen o ‘cling film’ neu bapur cegin ar yr wyneb a defnyddiwch rholbren i’w daro nes yn eithaf tenau.
3. Rhowch y blawd, pupur a halen ar blât fach.
4. Cymysgwch y briwsion gyda’r cynhwysion sych a’r caws a’i roi mewn powlen fach.
5. Rhowch yr ŵy mewn powlen arall.
6. Codwch y cyw iâr a’i roi yn y blawd a’i gorchuddio’n llwyr, yna ei roi yn y ŵy wedi’i guro ac yna yn yr gymysgfa briwsion bara.
7. Coginio’r cyw iar drwy – ffrio yn ysgafn mewn padell ffrio am tua 5 munud bob ochr nes yn euraidd a’r cyw iar wedi ei goginio yn llwyr, neu gallwch ei ysgeintio gyda olew a’i goginio yn y popty aer am tua 12 munud, neu ysgeintio gyda olew a’i roi mewn popty poeth am 15 munud.
8. Pan mae’r cyw iâr yn barod, rhowch a’r blât, gosodwch y letys, croutons a’r caws ar yr wyneb ac yna llwyaid da o’r dresin ar yr wyneb.

Rysait Elwen Roberts ar gyfer Prynhawn Da

Instagram - elwen.roberts