• 500g tatws newydd
• 2 lwy fwrdd olew olewydd
• 1 llwy fwrdd menyn (wedi toddi)
• 3 ewin garlleg
• ½ llwy de pupur du
• 1 brigyn rhosmari /teim
• 1 llwy de halen môr
• olew olewydd

Saws Menyn Garlleg

• 3 ewin garlleg
• 3 llwy fwrdd menyn
• 1 llwy de darnau tsili
• 1 llwy de persli

Aioli Garlleg

• ¼ cwpan mayonnaise
• ¼ cwpan hufen sur / iogwrt Groegaidd
• 2 ewin garlleg
• 1 llwy fwrdd sudd lemwn / leim
• 2 lwy fwrdd dil

1. Dechreuwch drwy ferwi’r tatws mewn padell fawr o ddŵr hallt am tua 20 munud, nes eu bod yn feddal.
2. Draeniwch nhw mewn colandr a’u gadael i sychu drwy stemio am o leiaf 5 munud.
3. Leiniwch hambwrdd pobi gydag olew olewydd a’i roi yn y ffwrn i gynhesu nes ei fod yn boeth iawn.
4. Mewn powlen, toddwch y menyn, ychwanegwch yr olew a’r holl gynhwysion eraill, yna ychwanegwch y tatws sych a’u cymysgu i’w gorchuddio yn y menyn.
5. Tynnwch yr hambwrdd yn ofalus o’r ffwrn, yna tywalltwch y tatws arno.
6. Gwasgwch bob un gyda gwaelod gwydr neu gwpan cadarn.
7. Rhowch halen, pupur du mâl, a rhai perlysiau ffres wedi’u torri’n fân fel oregano, neu unrhyw un o’ch hoff berlysiau eraill.
8. Rhowch yr hambwrdd yn ôl yn y ffwrn a phobwch am 35 munud nes eu bod yn euraidd ac yn grensiog.
9. I’w weini, taenellwch ychydig o olew drostynt a mwy o berlysiau wedi’u torri.

Rysait gan Lisa Fearn ar gyfer Prynhawn Da.

Instagram - lisafearncooks