Torth Mêl, Lemwn ac Almon
Cynhwysion
- 180g menyn
- Croen 1 lemwn
- 100g siwgr caster
- 80g mêl
- 2 wy
- 100g iogwrt
- 200g blawd hunan-godi
- 50g almonau mâl
Ar gyfer y Topin:
- 50g almonau
- 30g menyn
- 30g siwgr caster
- 30g mêl
- 1 llwy fwrdd hufen
Dull
- Leiniwch dun bara 900g.
- Cynheswch y popty i 160/nwy4
- Hufenwch y siwgr, y menyn a chroen y lemwn gyda'i gilydd nes eu bod yn ysgafn. Ychwanegwch y mêl.
- Curiwch yr wyau i mewn yn raddol nes eu bod wedi'u cyfuno.
- Plygwch yr iogwrt, yr almonau mâl a'r blawd hunan-godi i mewn.
- Rhowch y cymysgedd yn y dun a phobwch am 40 munud.
- Tra bod y gacen yn pobi, paratowch gynhwysion eich topin. Toddwch y menyn mewn sosban, yna ychwanegwch y siwgr, y mêl, yr hufen a'r almonau wedi'u fflecio. Trowch dros wres isel.
- Ar ôl i'r gacen goginio am 40 munud, rhowch y topin cnau ar ei ben a phobwch am 10 munud ychwanegol.
- Gadewch i oeri'n llwyr cyn ei dorri. Bydd y gacen hon yn para 5 diwrnod wedi'i lapio.