Cymorth
Dementia
Mae mathau o dementia fel arfer yn effeithio pobl hyn, ac oherwydd fod y boblogaeth yn heneiddio, mae'r glefyd yn un fwy cyffredin. Beth sy'n nodweddiadol o'r cyflwr yw fod y galluoedd meddyliol yn gwaethygu, yn enwedig y gallu i resymu a chofio. Un math o ddementia yw Alzheimer's, ond mae sawl ffurf arall hefyd, er enghraifft dementia vasciwlar neu dementia gyda Lewy Bodies.
Yn anffodus, does dim ffordd o wella'r clefyd ar gael ar y funud, ond mae'r mudiadau sy'n cael eu rhestru yma yn gallu cynnig cefnogaeth i'r sawl sy'n byw gyda'r cyflwr, eu teuluoedd a'u gofalwyr.
Llinell Gymorth Dementia Cymru
Cefnogaeth ddwyieithog i unrhyw un, o unrhyw oedran, sydd yn edrych ar ôl person gyda dementia.
0808 808 2235
Cymdeithas Alzheimer's
Sefydliad ar draws y DU sy'n rhoi cymorth a chefnogaeth i'r rhai gyda dementia, eu teuluoedd a'u gofalwyr. Gellir dod o hyd i fanylion am gymorth lleol ledled Cymru ar eu gwefan.
03300 947 400 (yn Gymraeg)
0333 150 3456 (yn Saesneg)
Dementia UK
Elusen nyrsio dementia arbenigol sydd yna i'r teulu cyfan. Mae'r nyrsys, a elwir yn Nyrsys Admiral, yn darparu cymorth a chyngor am ddim i unrhyw un wedi eu heffeithio gan dementia.
0800 888 6678
Rare Dementia Support
Mae Rare Dementia Support yn wasanaeth arbennig, wedi'i leoli yn y DU, a ddarperir gan Ganolfan Ymchwil Dementia (DRC) UCL a phartneriaid eraill. Mae RDS yn cefnogi pobl sy'n byw gyda un o'r 7 mathau prin o ddementia, gan gynnwys gofalwyr a gofalwyr sydd wedi colli rhywun.
Rhain yw: Clefyd Alzheimer Teuluol, dementia blaen-amserol, dementia blaen-amserol teuluol, atroffi cortigol posterior, affasia blaengar cynradd, dementia corff Lewy a Chlefyd Alzheimer Ifanc.
Cyngor a chefnogaeth cynhwysfawr ar eu gwefan.
Protocol Herbert
Nod y cynllun yw cynorthwyo i ddiogelu pobl sy'n byw â dementia. Mae hyn yn enwedig os, wrth i'w cyflwr ddatblygu, maent yn dechrau 'crwydro' sydd ddim yn anarferol yn dilyn diagnosis. Mae'r Protocol Herbert wedi'i ddylunio i gynorthwyo i leoli unigolion yn ddiogel ac iawn os ydynt yn mynd ar goll. Mae'n rhoi tawelwch meddwl i deulu a ffrindiau fod gan yr heddlu'r holl wybodaeth maent ei hangen i gynorthwyo lleoli'r unigolyn. Mae'r Protocol Herbert yn fenter genedlaethol gan heddluoedd yng Nghymru ac eraill o amgylch y DU. Mwy o wybodaeth a ffurflen priodol yn y ddolen isod:
(perthansol i bob ardal o Gymru, nid jest Heddlu De Cymru)
DEEP
Mae'r Dementia Engagement and Empowerment Project yn ceisio sicrhau fod llais y sawl sy'n byw gyda dementia yn cael ei glywed yn glir o fewn polisïau a gwasanaethau. Sawl grwp yng Nghymru, manylion ar y gwefan.
The Brain Charity
Elusen sy'n hyrwyddo niwroamrywiaeth ac yn helpu unrhyw un gyda cyflwr niwrolegol i ailadeiladu eu bywydau a chyflawni eu potensial. Mae gywybodaeth a cefnogaeth gyda gwahanol fathau o dementias hefyd.
Cynhalwyr Cymru
Mudiad sy'n cynnig cyngor a chefnogaeth i ofalwyr yng Nghymru, ac yn ymgyrchu am eu hawliau hefyd. Cysylltwch â nhw am unrhyw agwedd o edrych ar ôl eraill, o ble i gael help ariannol i'ch gwasanaethau lleol.
0808 808 7777
Adolygwyd y wybodaeth: Tachwedd 2025