1. Torrwch dail y blodfresychen a rhoi nhw'n gyfan ar dun pobi.
2. Rhowch olew olewydd dros y blodfresych, pupur cayenne a rhwbio nhw i mewn.
3. Rhowch y dail yn y popty neu mewn 'smoker' am hanner awr ar wres uchel.
Y saws Caws
4. Toddi menyn cyn ychwanegu blawd a'i gymysgu.
5. Ychwanegwch hanner llefrith a hanner hufen dwbl.
6. Unwaith mae'n dechrau berwi / byblo, tynnwch oddi ar y gwres cyn ychwanegu'r caws Cymreig.
Y Blodfresychen
7. Torrwch pob coesyn o'r blodfresychen a'u torri mewn i meintiau gwahanol.
8. Rhowch mewn tun pobi cyn eu gorchuddio efo'r saws caws
9. Sleisiwch tshili'n fan a'i rhoi ar ben y saws.
10. Adeg y Nadolig, gratiwch nytmeg dros y cyfan a'i orffen efo ychydig o ddail saets.
11. Rhowch yn y popty am hanner awr ar wres 180C. Unwaith mae'r ymylon yn dechrau crasu, mae'r blodfresychen yn barod.
Ychwanegion o'r Gŵydd
12. Berwi moron piws, oren a melyn am 5 munud.
13. Rhowch mewn tun pobi a'i rhostio efo mêl a chnau Pinwydd am 35 munud.
14. Berwi a stwnsho tatws a defnyddio'r garlleg wedi rhostio gyda'r gŵydd a digon o olew olewydd. Bydd hwn yn gwneud y tatws stwnsh yn llyfn.
15. Ffriwch adenydd yr ŵydd i wneud stoc cartref. Defnyddiwch y sdoc i wneud eich grefi gyda llwyth o port wedi ychwanegu iddo.
16. Heb anghofio'r tatws rhost. Berwch y tatws am bum munud yna gorchuddio'r tatws mewn saim gŵydd a llwyaid o Marmite. Rhowch yn y popty ar 180C am 40 munud.
Rysáit wedi ymddangos yn wreiddiol fel rhan o raglen Bwyd Epic Chris.
Rysáit gan Chris Roberts.
Instagram: @flamebaster
Twitter: @FLAMEBASTER
