Carchar y Glannau, ac mae carcharor, Barry Hardy, yn codi bag o gyffuriau oddi ar y llawr ar ôl i rywun ei ollwng - penderfyniad sy'n mynd i newid ei fywyd am byth. Er bod ei gymar cell, Peter, yn ceisio ei berswadio i gael gwared â'r cyffuriau, mae gan Barry syniad. Mae digwyddiad gwaedlyd ar y wing yn golygu bod y swyddogion, Elin a Ned, yn poeni am eu swyddi. Ac mae carcharor newydd yn cyrraedd. Dyw Kit Brennan ddim yn wyneb newydd i bawb, ac mae ei ymddangosiad yn peri gofid i fwy nag un.
Yn dilyn y ffrae rhwng Mel a Kay mae'n ryfel oer yn nhy'r Ks ac wrth i Ken a Kelvin geisio datrys pethau mae perygl iddynt wneud pethau'n waeth. Tra mae Lea'n falch fod pethau'n mynd yn dda i Mathew ar yr app dêtio, mae pethau'n mynd o ddrwg i waeth i Anna wrth iddi ddal dig yn erbyn Ioan a Mair am eu cynllun i gael Elliott yn gariad iddi. Ac wrth i Sian ddangos consyrn am Geraint ar ôl eu sgwrs onest am sefyllfa'i briodas bydd hi'n anos i'r ddau frwydro'n erbyn y sbarc amlwg sydd rhyngddynt.
Cyfle arall i weld y ffilm gerdd i'r teulu cyfan sy'n olrhain bywyd bachgen bach 7 oed o'r enw Noa. Mae rhieni Noa yn hyfryd, ond maen nhw'n brysur tu hwnt. Mae Noa'n unig blentyn, ond dydy e ddim yn unig. Mae Noa wedi creu ffrind dychmygol drygionus o'r enw Albi, sy'n un o nifer o 'ffrindiau dychmygol' sy'n byw mewn byd arbennig iawn. Mae'r ffilm yn adrodd hanes y teulu cyffredin yma yn ystod un gaeaf hudol wrth i fywyd Noa gael ei drawsnewid. Mae'r ffilm wedi'i hysgrifennu a'i chreu gan Caryl
